苏韵姿盛传同高层珍姐闹翻 亲回应：只可以话公司好鍚我 | 香港01
艺人苏韵姿（Andrea）在TVB处境喜剧《爱·回家之开心速递》饰演角色“熊心如”深受观众欢迎，有传她因得罪珍姐导致不能“回家”兼被雪藏，久未能回剧组。
苏韵姿今晚（9日）现身舞台剧《我们的青春日志》宣传活动，她亲自回应表示：“其实一路公司都好鍚我，我都一路好感激公司畀我嘅所有机会啦，个个都教我好多嘢，我係一个人嚟到香港，咩人都冇，係公司畀咗呢一家人我回家，呢个係事实嚟。（想澄清传闻？）其实公司同我保持良好关係，我都唔知原来有咁夸张嘅传闻。（同珍姐闹翻係假嘅？）我只可以话公司好鍚我，畀好多机会我，所以我都好感恩大家咁鍚我。（好莫名其妙？）都係得啖笑。”
苏韵姿透露未有收到“回家”归期，但强调已获公司安排工作，又表示拍剧6年“不嬲都有演员出出入入，基于唔同原因。”她又表示：“屋企点都係屋企嚟，点都要返屋企嘅。”
至于外界盛传她完约被炒，苏韵姿透露同公司约有排都未完，不会成为逃亡潮一员，她说：“同公司仲有一个好长嘅合约时间，嚟紧都有第二啲嘢安排畀我，所以我都唔知点解咁传，有人都问我係咪俾人炒，我话冇啲咁嘅事。”
