星岛：TVB台庆2023｜After Class将合体再度三缺一 詹天文锺柔美爆正录制新团歌
炎明熹（Gigi）、锺柔美（Yumi ）及詹天文（Windy）（17日）到电视城为台庆表演进行綵排，她们指今次除了会与《声梦》成员合唱外，亦会与其他人对唱，对于今次After Class再次三缺一，Windy未感可惜，更透露姚焯菲将于12月返港，到时候4人更会真正合体做表演。
虽然上次合体的时候三人已耐到唔记得，但炎明熹就指，开演唱会时姚焯菲有特别来探班，更送了一本相册给她，令她既感动又惊喜。而詹天文及锺柔美又表示已为After Class录新歌，未知合体时会否唱，不过炎明熹就一脸茫然地指自己仍未录音，但相信某日会录。
Windy早新推出新歌《大雕刻家》后成绩不俗，得到网民狂讚之馀更指她跳得好过Yumi，Windy表示也有看评论，但觉得没需要比较：“我哋跳舞有唔同叻嘅地方，风格唔同，今次我係跳型格韩风路线，我都多谢大家锺意，因为我都落咗好多苦功，都希望大家唔好成日攞我哋嚟比较。（怕伤感情？）唔会伤感情，我觉得都係百花齐放。”
Yumi则谓虽然现时忙著读书，但亦有留意队友出新歌，也很戥大家开心，但她亦同样觉得不需要比较：“对Windy嚟讲都係新尝试，我戥佢好开心，第一次见到Windy咁我都好surprise，都係一个新样子畀大家睇。（你跳唔跳到Windy嘅舞？）跳到，我相信我都可以跳到好多唔同嘅舞，真係冇需要比较，因为我都开始筹备紧自己嘅歌，迟啲我都可能会俾啲惊喜大家呢！”问到Gigi是否跳到？她即说“梗係唔得啦！”又大讚两人记舞步很快，自己需要再努力。
提到Gigi于《2023年叱吒乐坛流行榜颁奖礼》，经票选后成功杀入“我最喜爱的女歌手”十强，Gigi非常多谢大家支持及投票，但她亦希望一切可顺其自然，做好自己，然后再唱更多歌曲给大家听。
问到是否有信心得奬？她说：“要有少少信心，但唔係好大嗰隻，我都主张顺其自然（嘅）心态，我都相信自己一定可以嘅！（有冇同身边人拉票？）冇，一个都冇，我係咪太过顺其自然？但我知道粉丝们都尽佢哋嘅力量投票，所以我都希望自己可以做到最好。”
