新闻女王丨MAN姐佘诗曼获观众支持感鼓舞 阿佘角逐新城奖：唔係啩？！
佘诗曼（阿佘）凭TVB台庆剧《新闻女王》演“Man姐”文慧心备受观众讚赏，阿佘在今日（11月28日）与李施嬅、王敏奕、何依婷等剧中演员一同现身宣传活动，阿佘出场时获得不少欢呼声支持！
在活动期间，阿佘更Man姐上身演绎剧中金句：“你係上咗去都无人服，我係退咗落嚟，但我而家呢个位，点都无人顶替到，就知个分别啦！”之后，阿佘、施嬅、依婷又在台上对著字幕机报新闻，尽显功架！
阿佘在活动过后接受TOPick访问，对于被网民洗版式讨论其金句，她称：“呢个真係要多谢监制、编剧，谂咗咁多咁精警嘅金句畀我哋去讲，都好吻合到个剧情同build up到人物性格，好突显每一个人喺职场上面嗰套理论。”
佘诗曼感谢网民支持
阿佘表示也有留意网民、观众模仿他们，她称：“因为佢哋好投入，都好钟意我哋戏裡面嘅角色，所以先会咁样做，多谢你哋捧场。”
另外被指是今届视后大热，她表示没想太多：“依家其实过咗一个礼拜，都唔係好长嘅时间，其实观众钟意睇同埋支持，同埋佢哋觉得有追看性，我觉得係一个好大嘅鼓励，因为我哋台前幕后真係花咗好多时间、心机去拍呢一套戏，我自己都做咗好多功课，so far呢个礼拜嘅成绩，我已经好开心！至于其他嘢，我唔谂咁多喇。”
阿佘讚何广沛：佢真係好努力
阿佘与何广沛的床上戏也是焦点所在，又有网民指广沛的身型未够扎实，阿佘大讚拍档相当之努力，并非常之欣赏对方，她谓：“其实喺开拍之前嘅3个礼拜，监制就畀3个礼拜佢keep fit，佢真係好努力去做，食鸡胸、菜、鸡蛋，就算点样万岁法，佢都一嚿都唔摆落口，3个月，其实好难顶。”
她续指：“但点解要3个月咁耐？因为嗰一场戏迟迟都未安排到，结果係3个月后先拍，我本人认为佢嗰阵时係太瘦，同埋乾咗啲，如果我係佢，食多啲嘢又惊真係有肚腩，但係你唔食嘢又build up唔到muscle，其实我都相信佢个情绪係好複杂。”
阿佘又为何广沛讲好说话：“我觉得大家唔好focus喺佢个身型係点，首先我哋两个人嘅关係喺套戏入面係点样，同埋嚟紧会发展成点样，呢一样先至係最重要。”
问到接下来会否有更激情的场口，阿佘鬼马地说：“嚟紧换人㗎喇”。
阿佘角逐新城奖：唔係啩，咁劲？
人气高企的阿佘更有份在《新城劲爆颁奖礼2023》角逐歌手、歌曲奖项，她显然对此事毫不知情：“歌手？我无唱歌，（你嘅《前排位置》啊）係咩？真係㗎，唔係啩？！咁劲？”
阿佘笑著说：“咁大家快啲投票喇，我好难得㗎！（你真係完全唔知？）我真係完全唔知，咁劲嘅，好开心啊，呢个先至係最开心啊，我哋出呢一隻歌真係搞咗好耐，係讲紧半年，由练歌、歌词、Mixing，因为我唔係专长，又想做一件好嘅事出嚟，又走去拍MV，真係好有诚意，其实係送畀我啲Fans。”
至于会否出席新城颁奖礼，阿佘称：“我唔知啊，我唔知啊，睇下点啦，但係好开心嘅。（有无信心？）紧係无信心啦，入咗围当攞奖啦。”
