星岛：奖门人丨李施嬅首次上《奖门人》节目感觉好惊
首次上《奖门人》节目的李施嬅表示没有玩过所以好惊，也不知道要湿身，所以没有带其他衣服，待会可能要向服装间借衣服，虽然这样，但首次玩的她也表示期待，希望可以赢。
问到事前有没有做功课，李施嬅表示有，知道有啜乒乓波和紫菜，她笑言自己想啜“Man姐”佘诗曼，因为网上大家都认为她与对方也是一对很夹的CP：“我觉得Man姐同阿佘都好吸引，如果要锡梗係锡个又靓又白，高海宁都正！两个都锡，最索嗰两个锡晒！”
李施嬅指因稍后要准备与“胡说八道”到美国开骚，所以不能病，她透露日前才去试衫，但因大家也很忙，所以并没太多时间排练，“我哋演唱会每个女仔都有差不多款嘅衫，有啲露长腿，我就露短腿、腰，长腿就留返畀姚子羚。”
对于好姊妹黄智雯早前宣布离巢，李施嬅表示事前有找她倾谈，因这是她的人生大事，自己走的时候也会想很多，因为TVB是一个很舒服的地方：“但我都好支持佢嘅决定，因为佢好想继续进步，见识多啲，有机会我都相信佢会返嚟拍剧，（好似你咁？）係囉，走咗都唔代表唔会返嚟。”
李施嬅指“胡说八道”中剩下姚子羚仍未离巢，笑指她已是“一姐”，问姚子羚是否也想出去发展？李施嬅指没听过：“佢都好多机会，而家都拍紧剧，所以可能佢冇谂咁多，我觉得每一个人个时间都唔同，呢一刻佢觉得喺呢间公司舒服、仲係学到嘢同进步，咁我都尊重。”
有传黄智雯因为得不到视后所以决定离巢，李施嬅笑指当初自己离开的时候，其他人也是这样说：“唔关事，佢攞过马拉视后，但我唔觉得呢个奖係佢决定嘅原因，其实离开呢间公司係好惊，但呢种惊比到一种好刺激嘅感觉佢，我哋做艺人好需要呢团火同呢种刺激感，因为可以令到我哋觉得冇安全感嘅时候就会越嚟越去进步，唔关攞视后事，我都冇啦，都好开心。”
