星岛：48岁佘诗曼唔强求姻缘：冇咪冇萝 演「Man姐」太恶 马明吓亲震住「投诉」
两届「视后」佘诗曼相隔6年重返「娘家」拍台庆剧《新闻女王》，霸气「Man姐」一角获讚演技老练兼超班，热捧為视后大热门。久未在港宣传的阿佘兴奋自爆拍摄时好入戏，更曾吓亲马国明及邓智坚。她坚持演出入肉并非想打低邓萃雯成為首三届视后，只想开心地省靚自己「招牌」。至於芳龄48仍然单身，阿佘答得轻鬆，「有咪有，冇咪冇萝。」
採访：方騫平 摄影：谭志光 化妆：Katherine Lo 髮型：Lorraine Lam @ Hair Culture 服装：Marni 造型：Christina Hsu 场地﹕TIRPSE@K11 Musea
1997年港姐季军入行的佘诗曼，在TVB共夺11个奖成為全台NO. 1，虽有丰富演戏经验，但她坦言「今次好有难度」，皆因每个人都睇过新闻报导，要令观眾觉得她做到一个似模似样嘅新闻主播唔容易，除事前熟读剧本做足功课，亦曾跟监製到新闻部考察，坐上主播枱体验20分鐘，但她还嫌练习不够，主动要求加时，於新闻部的模拟新闻中心努力操练声线、语速、语气、表情及坐姿等。
演得投入绝非為奖
阿佘自爆演「Man姐」太投入，兄狠地发完恶，剧组嗌Cut机后，对手马国明及邓智坚忍唔住「投诉」佢：「吓死我喇…Man姐」，阿佘听完啼笑皆非：「咁嗰场戏要咁嘛，其实佢唔系恶系揸紧原则，坚持嚟做野唔系识朋友。」语毕马上澄清现实绝对唔会咁样对人。
对於演到被对手「诈型」，是否想刷新纪录成為首位3届视后？她笑说冇諗咁多野：「只要角色能深入民心得到认同就算成功，套戏做到有口碑及讨论性经已系最大得著，过程比奖项重要，不过，我重视每个奖项，亦多谢大家支持。」
力撑何广沛冇肚腩
对於床戏对手何广沛被网民弹肚腩摺起唔够fit，阿佘忍唔住大平反：「何广沛瘦到死边有肚腩呀？其实佢好努力，好佩服佢嘅意志力及坚持，為左瘦身拍床戏，食左3个月烚鸡胸，更完全唔受『万岁』嘅美食引诱。」至於何依婷被评戏屎，她认為如果演得唔好，就唔会有咁多话题性，仲讚佢系一个聪明嘅女仔：「合作第一日见佢有啲紧张，加上未摸熟角色有啲未进入状态，当提左佢两日唔好用错重心，之后开始有进步。」
她强调新人一步步行上嚟系要有阶段，正如她1999年首次拍剧《雪山飞狐》担正女一演「苗若兰」，亦曾被狠批唔识做戏及鸡仔声难顶：「听完负评梗系会唔开心啦，既然签左约要继续做，唯有想办法改善。」
一个人绝对唔孤单
48岁佘诗曼红足26年有名又有利，提及目前人生目标，她答得轻鬆：「开心及健康就够，更何况自己钟意做嘅野变成事业，经已好快乐，仲想点呀？至於有冇终身伴侣反而好随缘，有咪有，冇咪冇萝，唔会刻意强求，系你就系你㗎喇。」
她坚称绝不孤单，更霸气地说：「我每一日都好开心，因為容易满足，活在当下，正如当年喺沙漠拍《火舞黄沙》，风沙餸饭都系有趣经歷，能够做到开心嘅野自然唔觉辛苦，唯一遗憾系多年嚟冇时间学滑水及滑雪，感受唔到好free嘅感觉。」
