星岛：赵希洛轻鬆解画：佢唔会嬲 离巢TVB感谢文漏多谢乐小姐
今年9月，有TVB“御用癫婆”之称的赵希洛离开工作咗15年嘅“娘家”，她感激获TVB爱锡，疫情下可以拍《开心速递》、畀女配奖及创作角色空间，不过密集式工作3年，係时候要放长假去增值自己，唔想“交行货”，未来她会多方面发展，以YouTube有175万订阅的Coffee(林芊妤)为目标强攻社交平台，甚至拍电影、唱吓圣诞歌，发展唔同路向。採访：方骞平 场地：Le Chefeteria
外闯3个月见世面的赵希洛，坦言好舒服，因为之前剧接剧，最高纪录一日要转4个造型，长期冇休息，有被榨乾、缺氧嘅感觉，加上对自己要求高要做到最好，好怕重覆角色欠缺新鲜感，係时候要唞一唞。
袋住家人“安全卡”
因此，回复自由身后马上到美国及法国体验，认识当地戏剧文化：“尤其参观拍摄美国最高收视剧集嘅录影厂；又见到用嚟拍戏，球场咁大，附设人造浪嘅暖水池，平时唔用就抽乾水变停车场，大开眼界，感受过后更想拍吓电影。”
对于发长文致谢名单冇提过乐小姐(乐易玲)，赵希洛就解释，“转机时来去匆匆漏咗，我连《开心速递》编审都冇落名，乐小姐知我係乜人应该唔会嬲。”
40岁的赵希洛坦言唔怕冇咗TVB大靠山：“第一步希望靠社交平台吸客，好似coffee咁真係好劲，除咗教瑜伽又推出自家品牌服装，好佩服佢，要向佢好好学习。”
被指为富贵星二代(母亲係前TVB艺员梁小玲，父亲经营石油生意又係澳洲大律师)，赵希洛强调家境只係舒服少少，而非有钱就任性：“以前我会坐港铁转公司巴士返工，凌晨才‘打的’向公司艺员科Claim钱，既然係自己选择就要负责任，唔使家人负担。”但她坦承屋企有给她附属卡：“呢张係安全卡，喺必要时先用。”
