星岛：王菀之身兼四职做舞台剧 谢君豪演《Skylight 天色》嗌好难
谢君豪、王菀之（Ivana）与梁仲恆将于本月底在演艺学院演出14场英国剧作家David Hare经典舞台剧作品《Skylight 天色》。Ivana是投资方、监制，翻译与女主角，身兼四职，忙到瞓觉也没时间，明显消瘦，两个拍档也要她多吃东西，指她瘦到削晒变得弱不禁风。
她表示没有刻意减肥，但身形有变，笑言由加加大码变加大码，搵番条腰。
Ivana表示演出日子渐近，自己亦愈来愈绷紧，这个角色给她很大压力。提到此剧是2016年黄子华及陈法拉也演过，剧名《前度》，问是否担心有比较？Ivana称没想过比较，拣这个剧本因为有深度，有很多层次，自己好想演戏有所提升，好想接受这个挑战。
她说：“我哋呢个都算好唔同， 因为唔同人翻译，唔同的故事场景设定都会令对白、内容及故事有变化。我用咗三个星期翻译呢个剧本，当初我决定做嗰阵， 剧坛一啲朋友都惊喜，因为呢个係一个好好嘅剧本，亦非常有难度。最开心係邀请到豪哥，同梁仲恆参予演出啦，豪哥係剧帝，获得最佳男主角。梁仲恆我真係好欣赏佢，佢做《妈妈的神奇小子》嗰阵我已经觉得佢做得好好。仲要係司徒慧焯导演，佢好严谨，要求亦非常高，有佢哋喺到，我就放心晒。”
谢君豪表示，这是他从演以来最难的一个角色：“我估係我一生人之中最难，最多对白的一个剧， 单係背剧本都背到傻，刚刚我哋梳头化妆时，大家坐係到都重係一齐练紧对白。希望到时唔係100%熟，係300%先得。”
Ivana接口说：“真係难度好高同好大挑战，好彩豪哥喺到，教咗我好多嘢，唔係剩係背对白咁简单，每句台词状态情绪都唔同，又要自然 ，又多感情变化…..。其实都仲有啲压力，有好多剧坛大前辈，好识呢个戏啲人，带住一个对比嘅心，入嚟睇我哋呢个演出，呢个戏可唔可以令人眼前一亮？好值得期待。”
王菀之与谢君豪早前合作《饭戏攻心2》，现在舞台再合作，他们笑说要记住角色，怕变了《饭戏2》角色的说话语气。
谢君豪大讚两个拍档，说：“Ivana好犀利，识作歌，仲做埋翻译，所以佢对对白好熟，又好有喜剧感，佢有另类嘅节奏，所以同佢合作好有新鲜感。”至于梁仲恆是舞台出身，合作好顺畅，觉得他有独特气质，有时想法好特别，是好特别的演员，同样给他新鲜感。
