新闻女王｜佘诗曼亲解片尾一齐饮水原因 睇大结局流泪︰陈山聪囉 | 香港01
佘诗曼（阿佘）今日（23日）出席圣诞活动支持癌症病患者。圣诞节临近，佘诗曼接受《香港01》访问表示在圣诞节会与家人共聚。她说：“就嚟圣诞节开心呀！希望可以鼓励吓一班小朋友继续战胜病魔，过一个开心的圣诞节。”
她继续指圣诞节会同屋企人同朋友庆祝，并说：“我好似都有一日假期。我想多啲陪吓屋企人同相处。”
提到昨晚（22日）于澳门出席《新闻女王》大结局活动，被捕捉到台下流泪的一幕，她说：“係呀，陈山聪囉整喊人，因为其实深深感受到做咗爸爸之后成个感觉唔同，加上啲剧情又係讲有小朋友，其实拍嘅时候都feel到有呢种伤感，剪出嚟就更加浓缩，希望透过呢个故仔去启发到其他社会上面有需要帮助嘅人出援手。”
她继续指马国明在大结局的一幕也令她很感动，你知我哋斗生斗死斗咗咁多年，并表示：“因为我冇谂过唔知佢哋会咁样，佢都会为文姐嘅意外而紧张，学佢话斋大家都係做嘢啫，不过佢嘅演绎演得好好感动到我。”
大结局一幕，众演员齐齐饮水是否有特别意思，她回答：“其实係一个和好嘅表达嚟，因为我喺上边经历咗一个咁刺激嘅剧情，当纾缓下俾你饮支水，其实Man姐觉得何依婷都係一齐受惊嘅人，既然都有支水就畀佢饮，传吓传吓但係大家都係做新闻嘅，但初心大家都係善良嘅。”
