星岛：杜以辰谭永浩唔介意困身冇得旅行 演200场长寿剧《青春日志》唔觉闷
2019年，杜以辰（前名杜小乔）和谭永浩因合演香港首个长寿音乐剧《我们的青春日志》拍拖，两人由音乐剧初哥，到现在演出超过200场，几年来跟角色一同成长，令他们感受特别深。做长寿剧看似困身兼闷，他们唔认同反觉得每日都有新鲜感，更希望长演长有。採访：杜杜
以辰和永浩当年首次参与《青春日志》时，坦认表现完全未达标。以辰说：“嗰时真係好青涩，咩技巧都冇，只係靠内在感受去演，好彩我哋演情侣。”永浩亦好认同，“以前我哋演出，自己就算好感动，观众可能唔知我哋做紧乜，哈哈！但係𠵱家好唔同，知点用声线、身体去表达，令观众感受呢啲情感。”
靠眼神已经解决问题
两人除得到制作人陈恩硕（Tom）不断提点外，亦有进修演戏、跳舞、唱歌，甚至学埋配音。现在以辰挑战一日两场演出，饰演两个不同角色，“有时日场就做万人迷‘Nancy’，夜场就演返乖学生‘Jessica’，Tom真係好睇得起我，仲会喺场口之间即刻畀提示我跟住做，但係对角色了解多咗，同角色一齐成长，𠵱家演得好舒服。”
永浩就认为这就是长寿剧好玩之处，“我哋唔单止同角色成长，同台前幕后都一齐成长，呢种感觉好正。”
他们跟角色和幕后建立了很好的连繫，认为长期演出有安全感多于闷，以辰说：“有次我哋拎漏道具上台，虽然唔讲得嘢，大家一个眼神，其他演员就知道出咗事，一齐谂方法执生，呢种默契真係唔易做到。”
对于演长寿剧好难请假去旅行，两人完全不介意，只希望长演长有。永浩说：“喺香港有长寿音乐剧係Tom嘅梦想，一艘咁大嘅船入面，我可以参与其中，透过我演嘅角色传达呢个讯息，佢觉得我帮到手，好乐意继续做落去。”
