飞常日志｜郭柏妍停机坪拍摄中暑休克险堕地毁容 幸好有英雄救美
郭柏妍（Rosita）今日（9/1）现身机场出席剧集《飞常日志》宣传活动。提到有指她在中午烈日当空在停机坪拍摄期间，怀疑中暑突然晕倒，Rosita接受《香港01》访问时直言不讳：“可能嗰一日自己饮得少水嘅关係，再加上喺嗰度都拍咗成两个几钟，突然眼前一黑，成个人好似熄咗电视机咁，冇晒知觉，就晕低咗。”
Rosita续说：“到我醒返嘅时候，我都唔知发生紧咩事，望到自己已经置身喺室内嘅地方，听返佢哋讲，话我拍紧嘅时候，突然反晒白眼，成个人向前跌，好彩当时徐荣出手救咗我，佢係即刻扶住我，我先至冇跌落地下，如果唔係我个头落地，係有机会撞爆成块面导致毁容，后果真不堪设想。
佢哋话我晕咗成5分钟，成班人都替我担心，到我醒返之后，佢哋如释重负。佢哋有畀咗啲水我饮，同埋畀咗啲糖我食，等我慢慢恢复过嚟，抖咗一段时间，之后，我见冇乜嘢就继续开工。”
