吴嘉仪自爆与老公排期做婚姻辅导 仿效日本潮流：租个地方掟嘢 | 香港01
32岁的吴嘉仪（阿七）今日（11）出席剧集《旁观者》之“诱惑的艺术”宣传活动，并在活动中担任主持角色，炒热现场气氛。 阿七接受《香港01》 访问大谈演出的辛酸，她说：“套剧我做一个严重嘅湿疹病人，我未试过公司嘅待遇对我咁好，请一个电影特技化妆师，要用三个钟化妆一个钟落妆。”
她继续指曾试过拍戏收工未落妆的情况下，自己独自去搭地铁，却引起路人注目。她说：“全脸（特技湿疹装扮）咁样，我唔係一个好高知名度嘅演员，但係我都带咗顶帽笠住黑色外套，呢啲真係生活体验，啲人即刻弹开。”她透露疫情期间曾在深水埗拍摄一场戏的时候，剧情需要追斩别人，吓到街坊。她说：“路人尖叫，到最后搞到报警。”
被问到较早前接受访问表示过与老公“猪仔”嗌交，甚至激动爆喊一事，她直言：“都係一啲生活嘅小嗌交，譬如去咗一达地方心情唔係几好，又有啲脾气，我觉得个个都好欢乐。唔如意嘅时候，佢讲咗啲好斗气嘅说话，咁我走啦！咁就引发起一连串嘅事。”她指事件曝光后，收到世界各地不同的朋友关心慰问。她坦言：“后尾真係搵到啲专业人士帮手，现在排紧期去做婚姻辅导，但我哋係有缓和。我觉得係要学结婚都係要考牌。”
谈到有网民评论艺人不应该大肆宣扬婚姻关係情况，她说：“我係有后悔嘅，正如上次返公司同经理人部门关心我同埋同我倾偈，同志伟哥（曾志伟）都有倾偈，佢哋反而好包容我，佢冇责备过我，我觉得我嗰下真係走投无路，嗰吓起码肯讲。”她强调不希望再有这种情况发生，扬言如果下次会有的时候，会有另一种宣洩方法。她笑言：“可能租个地方，日本好兴掟烂晒啲嘢，平时冇机会做到，同埋犯法㗎嘛！同埋咁样纾压会好过。”
