明报：飞常日志｜朱敏瀚揸飞机称多掣揿考记忆 马国明演IAC值班经理“半圆梦”
TVB新剧《飞常日志》下周一（15日）翡翠台播映。圆梦演机师（正机长）郭启光Captain K的朱敏瀚（朱仔），剧中有不少揸飞机场口，据知相关场口都是在香港国际航空学院及国泰城的飞行模拟器取景，对于有幸可以体验操作飞行模拟器，朱仔受访时说：“两个模拟器都好像真，所有嘢基本上同真嘅飞机一模一样，模拟器投射出嚟嘅画面都非常像真，可以模拟出唔同嘅天气状况，原来一部飞机入面真係非常多掣。”
讲到拍摄操作飞机场口难度，朱仔坦言：“整个拍摄过程都有导师现场指导，喺拍摄前10分钟，尽量导师讲一次我就做一次，好考短暂记忆，我记得第一次操作模拟器时，导师都话我好有潜质，佢事后派咗张卡片畀我，叫我试下去考飞机师，话我应该冇问题，我就搞笑同佢讲如果我捞唔掂演员就会去试。”
该导师更是传闻中现实版《衝上云霄》Sam哥，朱仔笑言：“好开心遇到佢，可以得到佢短暂嘅教导！”朱仔再次特别鸣谢机师好友麦大力：“我知道要演机师时，已经问定佢有咩要准备，同埋去到拍模拟机舱嗰日，佢都专登过嚟搵我睇吓有冇嘢帮手，佢真係好有心，同埋我剧中一啲揸飞机嘅术语，都係佢帮我执。”
除了朱仔能一圆饰演机师梦，饰演中央控制中心值班经理杨尚伟的马国明亦算“半圆梦”，原来他大学毕业后，曾向香港国际机场应徵工作，马明受访时笑言：“我大学读书时係主修机械工程，毕业后寄咗好多信搵工，其中一封寄过去机场，嗰个Apply嘅职位係关于飞机工程。”
虽然马明最终没有进入机场工作，转战娱乐圈踏上视帝之路，但对于兜了一大个圈后，竟能透过拍剧在机场“上班”，对马明来说也算半圆梦，马明说：“做演员可以尝试到好多唔同嘅新事物，好开心可以喺中央控制中心（IAC）拍摄，置身嗰度嘅感觉真係好震撼，大家到时睇剧就感受到。”
