明报：梁诺妍宣布再添小公主：谂起屋企有3个洪永城真係几好笑
洪永城跟太太梁诺妍（Inez）三年抱两，第二胎预产期4月，今日举行Gender Reveal Party（性别揭晓派对），洪永城恨追多个女得偿所愿，多添一个小公主。今晚洪永城与Inez齐齐在社交平台分享喜悦，派对上有巨型B仔与B女公仔，由两个巨B进行battle，结果B女胜出。
Inez说心情：“一直都好想搞一个Gender Reveal Party，最开心係有人陪我玩。多谢洪爸爸（洪永城），竟然都可以等到我7个月先知2.0 係仔定女。利申：我哋真係唔知性别的，当然我哋嘅心态仔女都好无所谓，健康係最紧要。而正当大部分人（连我同洪爸爸都係凭感觉地）估佢係仔… …上天送多个小公主畀我哋。一知道Baby girl 喺场battle 度赢咗，真係激动到喊出嚟！最多谢最多谢一定係契契黎纪君，好多谢你由我第3个月护士完抽血text 你2.0个性别，你隐瞒咗4个月，再帮我哋搞咗呢个Gender Reveal Party，仲要一手包办个劲好食嘅蛋糕、cupcakes、cookies，真，係个个食完都话超好食！我们好爱你啊契契 （大家订蛋糕一定要搵佢 ）… … 仲要多谢所有嚟同我哋玩嘅朋友仔。Sir Face 2.0 妹妹好快见大家啦！其实谂起屋企有3个洪永城都真係几好笑。”
Inez女儿Amber跟爸爸洪永城似饼印，因此被女佣封“Sir Face”。
