明报：陈豪时隔17年再封帝 太太陈茵媺手上得奖感觉甜到漏
陈豪相隔17年再登视帝宝座，在《万千星辉颁奖典礼2023》上凭剧集《破毒强人》获颁“最佳男主角”。他受访时表示︰“我都唔知道自己原来提名咗‘最佳男主角’28次，所以今晚再得奖好开心﹗我成日话奖项係鼓励，係话畀我哋知过往一年嘅努力，我哋做嘅嘢係做得几唔错，可以继续努力。 （由太太陈茵媺颁奖特别有意义？ ）係，好难得佢有份参加今年颁奖礼，再加埋由佢颁畀我，感觉唔一样。佢将我啲眼泪都攞埋出嚟，嗰种感动係唔一样。喺太太手上攞呢个奖，好少人会试到呢种感觉，（好甜？）甜上面再加少少漏﹗”
谈到如何庆祝时，陈豪自言不是会为得奖而庆祝的人。他说︰“有奖係开心，但係我都係合埋眼继续努力去做嘅人，唔会将呢件事放得好大。可能我咁多年以嚟都惯咗， 17年， 20几次，已经好明白呢一行点样运作，唔想因为奖项阻止自己进步。我年纪开始大，对演戏更加有研究同要求。奖项话畀我知，我依家追求嘅方向正确，可以继续追求落去。”
不过， 陈豪表示得奖一定要多谢太太，或会跟陈茵媺二人世界旅行。被问到他们二人世界旅行可会惹3个孩子投诉，陈豪说︰“我哋今日嚟澳门，佢哋已经投诉。佢哋听日要返学，加埋大仔嚟紧要考试，唔能够带埋佢哋过嚟，返香港之后再同佢哋一齐庆祝。”
