明报：马国明失落视帝奖冇失望 夺衣著奖归功太太汤洛雯
马国明在《万千星辉颁奖典礼2023》上失落“最佳男主角”，只夺得“马来西亚最喜爱TVB男主角”。他受访时称没有失望︰“我骚前一直估係陈豪得奖，我今晚几乎所有奖都估中晒，好开心﹗林子善攞奖，我都好开心﹗台庆嘅时候，陈豪抽奖分咗啲幸运畀我，所以我都想佢攞奖。”
谈到太太汤洛雯在台上得知他失落视帝奖时似露出失望表情，马国明说︰“唔紧要啦﹗我又唔觉，我哋前两晚倾偈时，我都同佢讲係估陈豪攞奖。我同佢台上台下互动，大家喺度派紧心心，因为我哋全日冇见面，好挂住。”
马国明自言很旺︰“从来冇谂过可以赢陈山聪拎最佳衣著奖，攞到呢个奖太太都有功劳，因为佢有份帮我拣呢套衫。我出道以来未试过一年内有3套最高收视剧，自己都有份，觉得好幸运，可以遇到3个好好嘅团队，我冇估到自己会攞奖。（太太旺夫？）一定係，一定係同佢有关﹗（来年点样催运？会唔会生龙B？ ）尽力而为，我哋冇乜所谓，冇压力，随缘。点样庆祝？我会同太太食餐饭，《新闻女王》、《隐形战队》都会庆祝，应该会有几次庆祝饭局。（带太太出席？）我要问吓佢先，佢都好忙。”
