明报：3料视后佘诗曼个人夺4奖成大赢家︰好开心 唔知行乜嘢运
佘诗曼在《万千星辉颁奖典礼2023》上连夺“最佳女主角”、“马来西亚最喜爱TVB女主角”及“大湾区最喜爱TVB女主角”，成为三料视后，连同“最佳衣著女艺人”，全晚其夺得4个奖，成为大赢家。她骚后受访时直言完全估不到︰“今日真係一个好难忘嘅晚上，我好珍惜、好感恩，最开心係攞到剧集奖，大家都心想事成。”
谈到张智霖现身颁发“最佳剧集”，佘诗曼说︰“真係好惊喜，佢、罗嘉良、林保怡、杨茜尧係我合作过嘅老拍档，喺佢哋手上得到奖项，真係勾起咗好多回忆，因为我哋以前都係一齐拼搏，好有意义。其实由高海宁得奖开始，我已经忍唔住喊，好戥佢开心﹗（黄宗泽话你得一个奖要饮3杯。）我唔知得唔得，争住先。”
佘诗曼表示这晚对她来说是人生最高峰︰“绝对係﹗我唔知行咗乜嘢运，真係好开心，唔知讲乜嘢好。大满贯？好多谢观众支持，我成日睇好多留言，见佢哋写好多意见畀我哋，唔止淨係我，包括我哋个剧集，分析得好仔细，有时仲比我本人更仔细。我下次会从佢哋嘅方向再谂得仔细啲去研究我每一个角色。”
谈到如何庆祝，佘诗曼表示暂未有时间，只能出席今晚颁奖礼后的庆功宴。至于可会买礼物给自己，她笑言︰“仲买，唔好咁贪心，我今晚会瞓得好好。”
