星岛：王敏奕获阿佘点名讚开心过攞奖 患高敏症靠陈奕迅歌演《旁观者》
王敏奕在新剧《旁观者》饰演重案组督察“姚自如”，属高敏症患者，对周遭事物异常敏感，情绪波动亦特别大，敏奕自觉也有少许高敏症，对投入角色有一定帮助，同时亦有借助陈奕迅的歌入戏。对于在《新闻女王》的演出获出炉3料视后佘诗曼点名力讚，她觉得较得奖更为感动，又期待开拍续集。
採访：杜杜 摄影：罗安强 髮型:Lupus Chui @orient4 化妆:Kit Wong 服装:Sandro
剧中的敏奕靠高敏症来查案，现实中对气味亦特别敏感，有助入厨，“我永远第一个闻到臭味，所以好怕污糟，但做演员真係好难避免，不过都有好处，就係永远记得食过嘅嘢，仲可以煮返差唔多嘅嘢食出嚟。”
易受外界影响的她，要极速集中投入角色，要靠音乐帮手，她会为每个角色准备专属歌单，“我由睇剧本开始搵歌，淨音乐或歌都有，好似今次‘姚自如’ 就用咗陈奕迅嘅《大开眼戒》。”
期待《新闻女王》拍续集
在《新闻女王》首次跟佘诗曼合作的敏奕，早前获前辈公开大讚表现，“演员之间或同业嘅认同带嚟嘅开心，係奖项畀唔到你，可以有奖但对方未必觉得你好，如果对方觉得你好，就真係做得好，因为佢明你做紧咩，仲要係咁犀利嘅演员，大家第1次合作，真係好多谢佢。”
她又很期待该剧开拍续集，“从角色‘刘艳’出发，佢先啱啱起步，有好多可能性，未有机会往上爬，都想睇佢有咩变化，梗係要有续集啦！要睇监制有冇空间畀我发挥嘞！”不过她希望角色不要被“黑化”，“佢係代表人嘅初心，希望佢继续光明，我深信有啲人就算个世界点变都好，初心係捉得住。”
踏入新一年，敏奕觉得《旁观者》是个好开始，“我好锺意呢个角色，剧集拍摄手法亦有啲唔同，希望大家细心品嚐。”另外她今年将有多部电影和剧集推出，“希望大家锺意，及继续接到好角色。”
