朱敏瀚型仔飞机师look唔怕网民攞嚟比较：证明大家有留意呢套剧集 | 香港01
朱敏瀚昨日（18日）出席活动并在晚宴上大展歌喉，而最近他亦有新剧播出，剧中他饰演“型仔”飞机师郭启光，一出场已经瞬间吸引到网民的注意。他接受《香港01》访问时表示不怕网民拿他与曾演飞机师的演员来相比：“咁又唔惊嘅，如果真係攞嚟比较都係一件开心嘅事，证明大家有留意呢一套剧集嘅演出。”
朱敏瀚亦表示曾听说过今次《飞常日志》的收视不俗。
至于早前他曾提及有真正的飞机师打算向他招手，他就说：“因为每次拍摄模拟器之前呢都会进行好简短嘅讲解，咁我就用好短嘅时间上咗手，到拍嘅时候我就叫做唔错啦，咁我谂係因为我哋演员呢，最叻就係嗰个短途记忆。咁就做得返晒出嚟，佢就即刻递咗张卡片畀我。”
他更说该飞机师叫他尝试一下，力说他“转行”加入飞机师的行列。而朱敏瀚亦很很“认真”的跟飞机师说：“如果我捞唔掂就去试吓啦。”
至于他被问到本身对飞机师这个行业有没有兴趣时，他则说：“细个有谂过嘅，因为我好锺意睇公司嘅剧集，播咩剧通常就会想做啲咩职业，播《衝上云宵》嗰阵就想做飞机师啦，播《烈火雄心》嗰阵就想做消防员啦。”但他最后却选择了做演员，因为想演什麽角色都可以一一满足他。
而朱敏瀚被问到下月便是情人节，会否希望有段新恋情出现时，他就表示没想太多及自己不会太抗拒：“因为下个礼拜一就开始拍新嘅剧集，啱啱跨咗呢个农曆新年同情人节，我就唔会Block嘅，随缘啦，所有嘢都随缘。”
