红豆︱任达华每日炒豆数小时 爱驹赢过百万奖金但冇去拉头马？ | 香港01
香港家庭温情电影《红豆》由新晋导演邹颖执导，由任达华、邓丽欣、魏浚笙、龚慈恩、方平及朱鑑然主演，（19日）举行开镜仪式。《红豆》剧情讲述任达华、龚慈恩、邓丽欣及魏浚笙一家四口，在九龙城经历的喜怒哀乐，一家人亦在家庭式经营的糖水铺裡，感受到彼此的爱与传承。
在《红豆》裡饰演夫妻的任达华与龚慈恩，在开镜仪式后接受访问，华哥与龚姐曾于TVB合作多部电视剧，最后一次合演的作品则为《还我本色》，访问前华哥则重唱几句主题曲〈谁明浪子心〉笑言回忆满满！
华哥受访时分享：“今部戏（对手）戏好多，演两夫妻，我又做红豆、红豆沙，个感情又好似去返《还我本色》嗰时〈谁明浪子心〉咁！”龚慈恩与任达华事隔多年再度合作，龚姐表示不时提到年轻时的时光：“都有嘅，头先讲到《还我本色》，有场戏好怀念、好多年后都好怀念，好记得我哋入厂到拍完其实20分钟，但係默契真係好好囉！”
任达华在戏中饰演一位糖水师傅，表示要在戏中炒红豆，全靠龚姐照顾才能捱过：“因为我煮红豆嘛，我搵咗个老师教炒红豆。早排天气好热嘛，炒红豆日日都要学几个钟，炒到我隻手乾晒，但係又设计咗几场戏我摸佢（龚慈恩）隻手。”
龚姐温柔地表示：“我就买咗两樽handcream（润手霜）准备畀华哥。”华哥笑指：“咁就捽下捽下咁，唔係捽甩佢呀！係捽落隻手，令隻手温柔返。”
饰演二人儿女的邓丽欣及魏浚笙曾表示闹交戏份甚多，华哥则表示与龚姐没有闹交：“我驶乜闹呀，（眼神）厉一厉佢就知点做啦！”至于与戏中女儿邓丽欣，任达华即场用角色的潮州话表示：“我唔是架叽冷！但係都有‘架叽冷’嘅性格！”龚姐则表示：“其实佢係‘刀子嘴豆腐心’，个心係锡个女锡到不得了！”
作为《红豆》演员班底的大前辈之一，一向出手阔绰的任达华亦在拍摄期间多次请食饭慰劳各位，华哥笑言：“请咗好多次呀，最多係我呀！虽然嗰日冇赢咗马，但係我都请大家食饭！”任达华爱驹“君达得”早前于马场爆冷以47倍之姿跑出独赢，奖金超过百万，华哥亦分享到他的喜悦：“嗰日我喺度煮紧红豆沙！边有时间呀？”
身在拍摄现场的龚姐亦笑言：“跟住就有人不停咁恭喜佢喇！”华哥笑指：“我都唔知喎！咁呀？好呀？虽然我又冇赢到、又冇影相，但係都私底下再万岁囉！”华哥更表示当日身在片场错失拉头马机会：“嗰日冇落注，教紧邓丽欣煮红豆，呢个红豆几贵㗎！不过唔紧要，祝大家好运常开。（会唔会揼心？）随遇而安，虽然冇赢钱，但嗰日都万岁，不过学识一样嘢买全餐。”
