红豆︱素颜与魏浚笙演姊弟感压力 邓丽欣︰佢年轻貌美皮肤又好 | 香港01
香港家庭温情电影《红豆》由新晋导演邹颖执导，由任达华、邓丽欣、魏浚笙、龚慈恩、方平及朱鑑然主演，19日举行开镜仪式。《红豆》剧情讲述任达华、龚慈恩、邓丽欣及魏浚笙一家四口，在九龙城经历的喜怒哀乐，一家人亦在家庭式经营的糖水铺裡，感受到彼此的爱与传承。
在《红豆》裡饰演姊弟的Stephy邓丽欣与Jeffrey魏浚笙，在开镜仪式后接受访问，二人继即将上映的《饭戏攻心2》后再次合作，Stephy笑指Jeffrey是个非常烦的演员：“佢係一个好烦嘅合作伙伴，因为佢好适合呢个角色、做我细佬，係一个好称职嘅细佬，由戏外已经开始培养呢个情绪，不断成日叫我家姐，家到我头都晕埋！好配合个角色、同佢喺戏内成日嗌交！”邓丽欣表示《红豆》裡的家庭充满矛盾，与重男轻女的潮州父亲任达华关係亦不好。
Jeffrey笑指与Stephy有不少闹交戏份，Stephy笑言：“好似同你讲亲嘢都係闹交！”魏浚笙直言角色具挑战性：“因为都係一个比较写实嘅电影，所以获益良多！”更表示入戏后自然流露：“有得闹家姐咪闹囉！”Stephy随即笑指：“佢都忍咗好耐喇！”Jeffrey则表示对培养姊弟感情很有帮助！邓丽欣则表示Jeffrey闹起交上来绝不斯文：“因为佢把声好洪厚，一大声就好似好恶咁！其实我心裡面惊惊哋，但係戏入面又唔可以惊，要吓返佢‘咩呀！你讲咩呀！’毕竟都係家姐嘛。”
邓丽欣早前透露希望为《红豆》的写实演出增肥，但开镜仪式上见Stephy一如以往纤瘦苗条，她笑言：“我失败咗呀真係！其实少少嘅！呢个唔係剧本要求、唔係导演要求，我自己觉得要圆润返少少，因为场戏跨度10年，要演10年前嘅自己，希望自己可以做到。可能演唱会完咗之后未咁快recover到，原来冇咁容易肥返……咁讲好似唔係几好！”
在旁的Jeffrey随即表示：“家姐，好多人想为咗呢套戏圆润啲，但係我成功咗！”Stephy亦开玩笑指：“好成功喎！你点做到㗎？可唔可以教下我？”Jeffrey则笑指：“冇呀，就係好投入喺个戏裡面！”邓丽欣则表示：“死喇！原来我未够投入！”
邓丽欣不仅希望以较圆润身型演出，更将会淡妆甚至素颜上阵，她透露：“基本上都係比较淡少少，因为（角色）本身有个理想、想去做空姐，好想自由自在，但係为咗家业就留低咗。所以前半段有啲唔忿气、少少颓废，后尾觉得一家人係要帮手，但帮手就变咗忽略照顾自己，所以会冇乜妆扮、扮靓。”
不少粉丝网民觉得邓丽欣素颜宛如少女，Stephy则表示在“小鲜肉”魏浚笙身边有压力：“希望係啦……因为都有啲压力㗎，你睇下隔篱嗰个，年轻貌美、皮肤又咁好！”Jeffrey笑指在剧本中，姊弟仅相差五年，正当Stephy表示：“呢啲数字嘅嘢唔好讲喇！”Jeffrey却原来以奇招兜圈讚Stephy：“喺戏入面望落，真係相差呢个数字！望落去同妳都似家姐细佬！”Stephy则“冇佢咁好气”地表示：“唔通似阿哥细妹呀？”
邓丽欣与魏浚笙主演的贺岁片《饭戏攻心2》即将于新年上映，二人表示将会留在香港谢票，Stephy表示：“因为第一部我哋做唔到贺岁片，今次可以，个感觉係好开心嘅！”Jeffrey则表示会秉承自己的传统：“会想准备啲挥春，因为写挥春都係我自己嘅兴趣，希望分享呢个兴趣畀大家，我手字都OK㗎！草书嗰Type！”Stephy则笑指：“睇唔到嗰啲？”Jeffrey则表示：“唔係！係比较有文学知识嗰种书法！”
