明报：渣马2024｜洪永城终点接老婆 梁诺妍鼓励孕妈适量运动
梁诺妍（Inez）今早挺住7个半月孕肚参加“渣打香港马拉松2024”，以1小时4分钟完成10公里赛。Inez受访时表示除上斜路段略为吃力，其馀时间也十分轻鬆。她说︰“跟腹中女儿一起跑特别兴奋﹗BB不算太重，体形不大，我尚可应付。她很健康、活跃，我跑步时感觉到她在踢我，似想要给我一点鼓励，这种经验很特别。”
Inez指丈夫洪永城因代言问题未能落场一齐跑，事前再三叮嘱她要小心。Inez说︰“他担心现场人太多，要我必定将‘Child In Car’警示牌扣在背脊，大家看到就会让位，比较安全。沿途很多跑手也为我打气加油，气氛真是好好﹗我会在体力许可下继续练习，或改跑较短路程，未知何时闭关安胎。”
洪永城虽未有落场，但也低调现身终点接老婆。Inez在社交网分享与丈夫的合照及留言︰“今朝，我与2.0跑咗个渣马10公里。今年嘅渣马好特别好amazing ，有个小BB陪住我一齐完走，完走时间大概1小时04分。今年当然冇特别做时间，我嘅心态志在参与，轻轻鬆鬆咁跑，享受其中。仲要有埋洪爸爸勾喺我背脊嘅‘child in car’加持，大家如果有特登让路请见谅，亦好感激大家让路。我选择咗喺自己10公里组别入面排到尾尾先开跑，慢慢起步，头3公里都比较塞人，唔紧要啊～我就慢慢塞慢慢跑，用自己最舒服嘅pacing去跑～好多谢所有过嚟同我讲加油嘅朋友仔！大家成功完走都好劲呀！今年感觉特别热闹，真係好开心可以成为其中一分子。我觉得我都PB咗㗎！係陀住2.0跑步嘅PB。”
Inez强调这次参赛不是要证明给别人看自己怀孕时也跑到10公里，而是想鼓励妈妈们在了解自身健康及身体许可下继续去做自己喜爱的事。她说︰“自己能力范围内做适量嘅运动、散步、yoga、pilates等等绝对可以令孕妈放鬆心情，相信宝宝都会健康啲。每个妈妈体质都唔一样，自己一定係最清楚自己身体状况嘅人。我哋继续同行，继续互相扶持。再要多谢癫佬赞助呢个名额俾我，俾我有幸同2.0 一齐感受呢个咁正嘅过程。一定要记得好好多谢自己，多谢自己咁热爱同坚持去继续跑我最爱嘅步，过程远比成绩重要，跑步真係好开心。”
