明报：陈展鹏失落视帝无失望 单文柔爆小猪比送爸爸窝心大襟章
陈展鹏与太太单文柔、陈国坤与黄依汶及儿子陈真等，（20日）录影TVB贺年节目。陈展鹏夫妇本想带女儿陈诺瑶（小猪比）到场，让女儿看看父母工作的地方，惜小猪比临时身体不适。
陈展鹏说︰“佢有啲唔舒服，可能紧张得滞。佢讲咗好耐想嚟，成日觉得我喺呢度拍嘢好好玩。佢之前拍节目时唔知道自己会被拍，后来见有途人识得佢好惊讶，我要慢慢同佢解释。”
谈到在台庆颁奖礼上失落男主角奖，陈展鹏说︰“我冇失望，因为已收到窝心大奖，个女好正﹗”单文柔解释︰“我哋当晚颁奖礼返到屋企，小猪比同爸爸讲冇奖唔紧要，佢畀个奖爸爸，係一个写住‘Best Dad Forever’嘅大襟章，好Sweet﹗佢以为爸爸参加跑步比赛，跑得慢输咗。”
陈展鹏计划农曆年和妻女外游，单文柔想去阳光与海滩的地方，但担心丈夫知道后会带她去长洲、南丫岛。陈展鹏笑言︰“你睇我啲剧都知我好浪漫，南丫岛都可以好浪漫，带你去数星星﹗”
黄依汶表示陈真首次上节目，昨晚紧张到失眠。她说儿子没表演慾，不喜欢表演，不爱唱歌跳舞，见演员拍戏时要NG也说不喜欢。黄依汶表示︰“佢锺意做运动同研究科学，希望真係。艺人工作辛苦又被动，我同佢讲过宁愿佢喺创意或科学方面发展。”黄依汶透露正筹备开餐厅，说儿子快8岁大，她有时间做喜欢的事，但不会复出乐坛唱歌。
