星岛：女团XiX为肥瘦问题险破坏感情 只出1首歌两夺新人奖开心到癫
参加《声梦传奇2》入行的女团XiX，去年9月推出首支单曲《SiS》，正式出道短短几个月，已夺得叱吒乐坛生力军组合银奖及新城劲爆跃进组合，XiX开心有此成绩，她们认为全靠签到好经理人郭伟亮（Eric），选唱较易发挥的《SiS》，而未来最希望举行演唱会。採访：杜杜
有难题搵Eric Sir
5名成员都好珍惜这段姐妹情，虽然有意见不合时，Caitlin说：“比赛时有意见就会投票，𠵱家通常搵Eric Sir决定，都係啲唱歌分段或者企位问题，好小嘅事。”Kiele自爆全团为一件事最大反应，“有啲人成日话要减肥，但係好瘦，所以想打佢囉！哈哈！”其他成员一齐指住年纪最细亦公认最瘦的Charlotte，她好无奈：“我唔想㗎！”Kiele忍不住向她说：“你好瘦嘞OK！？”
讲到只得1首派台歌，都能在两大颁奖礼得到新人奖，Crystal话新歌《SiS》MV衝破100万点击时，已经开心到癫，估不到再有惊喜。Vici 说：“想攞奖係好正常，但我哋希望更多人认识我哋，更加多人锺意我哋，可以有呢个机会已经係梦寐以求嘅嘢，所以我哋尽力去做好，攞到奖就係双倍开心。”
踏入新1年，她们兼顾学业之馀仍会努力做歌，Charlotte说：“希望可以出多啲唔同风格嘅歌，畀观众感受到唔同一面，最希望快啲开到演唱会。”
