明报：跟Shiga婚后首个新年 陈家乐期待派利市 情人节冇部署
陈家乐日前出席可持续时装设计竞赛活动，近日正忙于拍新片﹐而留鬍鬚的他认为，这是很好环保概念：“将一啲旧嘅衣物回收，再重新设计，亦都可以将一啲可能过咗时嘅衣物加入新元素，令到时装感觉再一次散发，又或者用唔同配搭令件衫再着多几次，会有另一番味道，我觉得配搭得宜，係可以循环再着多几次。”
去年跟连诗雅（Shiga）结婚的陈家乐，快将迎来2人的首个农曆新年，他表示包利市时感觉特别：“以前同佢拍拖嘅时候，我封我姓陈嘅利市封，佢有佢自己嘅靓靓利市封，今年我哋统一用一个利市封，大家去拣选属于我哋嘅利市封，个感觉都几特别，感觉我哋係一条Team、我哋係属于一个团队去做呢件事。第一年真係一个家庭咁样去派利市，都几期待。”
农曆新年后紧接情人节，同时亦是2人婚后首个情人节，不过家乐坦言“冇部署”：“因为我𠵱家拍紧一部电影，希望完咗之后，同佢去旅行，呢套电影筹备咗一段时间，喺造型上有啲改变，要减肥，佢一路都陪我地狱式节食，所以完成呢部电影后，希望可以同佢放假，情人节去旅行食餐饱。”
提到不少观众大讚他于电影《金手指》中的演出，陈家乐表示有份参演已很开心，观众留意到自己更是喜出望外：“今次有一个大家留意到我嘅一个角色，自己好感动，因为能够喺咁多角色入面，可以畀到深刻印象观众，好受宠若惊。亦都好多谢畀咗好多鼓励我嘅导演，同埋两位超级巨星：刘生（刘德华）同梁生（梁朝伟），有佢哋嘅演出，先会带动到其他演员交出更好表现。”
