麦明诗向男友盛劲为求婚：我都好想同你结婚
32岁“十优港姐”麦明诗（Louisa）与盛劲为拍拖3年多，两人去年10月大方认爱，日前传麦明诗与盛劲为秘婚，有摄影师在社交网上载Louisa穿著优雅短袖款式婚纱，坐着给化妆及髮型师扮靓，盛劲为亦入镜。两人未回应婚讯，有传两人将于3月结婚。
昨晚盛劲为在社交平台公布喜讯，原来求婚成功的是麦明诗！Louisa跟盛劲为在朋友包围下向男友送上手表求婚，说：“一段关係是双向的，我想同你表达一下，我都好想同你结婚… …”盛劲为惊讶说：“求婚呀？”
他亦以文字分享了感受：“以前嘅我，以为自己会单身一世。一个人无拘无束几咁好，但一个疫情，令到以为揸住铁饭碗嘅我突然失业，原来我并非想像中咁硬淨。嗰时我哋唔係好熟，但係你听到我嘅情况，就问：‘既然呢排得閒，想唔想去电视台做吓part-time啊？当见识吓、识吓女仔囉。’听到有得识女仔，梗係正啦！就係咁，你介绍咗我上去后生仔倾吓偈，再玩衝上云霄大选，又参与咗一部剧做茄喱啡，见到好多靓女，但最后… 我都淨係识咗一个女仔，仲要本身已经识佢。”
“由一开始大家都冇谂过会有咩发展，但係就愈倾愈投契，而且觉得好mind-blowing，因为我从未遇过一个靓得黎冇脾气、努力、会替人切想嘅女仔，仲要 …. (下删一万字)
同你一齐，冇一刻係浪费时间，我哋每日好似best friend咁一齐玩，一齐游水打波滑雪上山下海，将‘情人’”同‘朋友’呢两个身份完美结合。我真係好好彩先可以遇到你。之后我讲笑话，如果我哋结婚，你都要同我求婚先衬得起你性格喎。我真係冇谂过你会记得我呢句说话，然候坚做… 好嘢 你喺我最需要人support嘅时候出现，我呢世都会记得。我肯定将来我地会面对好多困难，但只要我哋一齐面对，一定可以捱得过。拍拖初期有一幕我到今日都好深刻，你话：‘你未resume番，食饭等我请啦，嗱，你一飞返就以后都係你请我食饭㗎啦。’我希望可以请你食饭食一世啦！”
