陈浚霆计划新年同家人去旅行 竟然唔预古佩玲：到时先算
《爱回家》风少（陈浚霆）今日（3/2）现身尖沙咀出席《唱跳夜尖咀》大展歌喉。陈浚霆受访时表示：“本身我今日係要跟《爱回家》佢哋一齐上深圳出活动，但因为今晚要嚟呢度表演唱歌，变咗就同唔到佢哋一齐去，係有啲可惜。（古佩玲今晚会唔会嚟撑场？）佢代表我去咗深圳，搞到我冇机会喺佢面前表演唱歌。（你唔喺佢身边，佢可能又会唔见电话？）所以我就派咗你助手去睇住佢，古佩玲佢个人比较慢，成日係最迟走嗰个，咁所以佢返嚟香港係要报平安。”
此外，风少就透露计划新年去旅行：“其实本来我就请咗假去一个短嘅行程，但好似礼拜二有活动，咁唯有去完活动拍埋嘢先再算。（古佩玲会同行？顺道见家长？）冇，冇，冇。我知佢同家人有活动，到时先算。我哋开咗《爱回家》咁耐，都未试过有7日嘅假期，所以係好期待，就算留喺香港，唔做任何嘢，同屋企人同啲狗都好开心。”
