临时劫案︱姜大衞父子银幕首度合作 姜卓文澄清结婚传闻︰冇咁快
2024香港贺岁喜剧《临时劫案》昨日（3日）举行慈善首映礼，领衔主演的郭富城、林家栋、任贤齐及张可颐携同林雪、孙佳君、胡定欣、姜大衞、姜卓文、陈毅燊（Ansonbean）、张松枝及王颂茵（Kathy仔）等演员一同出席，与商场内数百名到场观众与粉丝见面，为大年三十（9日）正式上映造势！
《临时劫案》父子档上阵的姜大衞与儿子姜卓文，于首映礼上接受传媒访问，谈到父子合作，John哥表示：“今次係喺大电影裡面第一次合作啦，我哋之前都拍过微电影有一齐做。”至于角色戏份，John哥竟透露父子没有对手戏：“係同一部戏，但係冇同场！”
儿子姜卓文随即表示：“好可惜冇得同场。”John哥则笑指：“係佢觉得可惜啫！哈哈！呢一部戏因为大家条（剧情）线唔同，有一场结尾佢都喺到，不过都冇一齐。”姜卓文作为影坛新人则表示：“有得喺同一个地方一齐拍、睇老豆点做嘢，我都觉得学到好多嘢、好开心！”
姜大衞继去年话题作《白日之下》后再次亮相大银幕，更饰演反派角色，为生涯少有的演绎，John哥表示：“呢一类嘅反派比较少，通常都係做商业上、有钱佬嘅反派，钓虾场老闆真係第一次做，外表上係一个生意人、实质上都係一个罪犯。”
他更表示在戏中要搞笑：“我要搞笑，一开始以为係一部好认真嘅戏，点知係黑色幽默喜剧！”儿子卓文则笑指：“好在佢天生都有一种喜感！”至于如何指导儿子的演技，John哥立刻幽默表示：“睇我啲戏咪得囉！”
姜卓文近日被传媒报道指疑似好事近，被网民踢爆将与女友拉埋天窗，姜卓文澄清表示：“唔係真㗎，畀人玩嘅！嗰时有一个follower（社交媒体追踪者）玩玩下写咗句‘恭喜你订婚成功’但其实唔係订婚，而係同女朋友庆祝紧生日。有传媒朋友见到以为我畀人踢爆，但其实冇咁快住！”
至于父亲姜大衞对儿子的婚姻大事则表示：“等佢有本事先啦！咁快讲结婚？都未有本事！”更笑言早已儿孙满堂，不着急让儿子结婚生子：“我已经有四个外孙喇！呢样嘢睇缘份啦！”
