明报：金像奖｜黄子华角逐影帝多谢大家支持 王丹妮衝影后劲惊喜：我都估唔到
第42届香港电影金像奖今天（6日）公布提名名单，电影《毒舌大状》获10项提名，包括最佳电影﹑吴煒伦角逐最佳导演及新晋导演﹑黄子华争影帝﹑王丹妮争影后﹑杨思泳和廖子妤角逐最佳女配角，谢君豪角逐最佳男配角等。吴煒伦导演开心说：「所有演员奖都入晒，我好开心。」黄子华则说：「好开心，多谢大家支持。」
正身处多明尼加共和国的王丹妮刚收到入围金像奖最佳女主角提名，她说：「我自己冇估到，觉得好惊喜。今年有好多好出色嘅电影同角色，自己好荣幸可以同咁多位出色嘅人一齐获得提名，我好感恩。一定要多谢安乐电影，多谢江老板，多谢监製Ivy，同埋导演Jack，好多谢佢畀呢个机会我，去演呢个咁有挑战性嘅角色，好多谢拍摄团队嘅每一位，我好感恩可以同团队里面嘅每一位一齐共事。
《毒舌大状》能够有咁好嘅成绩好多谢每一位入戏院支持嘅观眾。毒舌嘅每一位都好努力，能够拎到咁多个提名，我好希望导演、子华，Fish（廖子妤），Renci（杨思泳），君豪哥（谢君豪）都可以攞到奖，另外亦都好期待可以同毒舌嘅团队一齐行红地毡，去感受今次嘅盛事。毒舌系我第二部电影，大家见证住我嘅成长。所以好多谢大家，我会继续努力。」
谢君豪则说：「好开心！多谢所有投票畀『金远山』（角色名）的电影人，《毒舌大状》喺旧年年初上映时得到很好的成绩，之前亦刚刚亦凭呢个角色拿到新时代国际电影节最佳男配角，多谢大家支持！好开心，另一方面好刺激，因為今年男配角提名高手如云，能够有份提名，与有荣焉。多谢导演吴煒伦写左一个咁好嘅剧本，同埋俾一个咁好嘅机会我去演绎呢个角色，今次《毒舌大状》获得10项提名！真系好开心！我会继续努力，多谢！」杨思泳说：「感恩！希望大家可以一齐上台，我真系好爱好爱毒舌呢个family！！」
