黄庭锋自爆下巴受伤缝三针 被问会担心毁容：有少少惊
35岁黄庭锋今日（6日）在TVB电视城出席《龙舞云祥年初一》录影活动，并以贺年服装登场。黄庭锋接受《香港01》 自爆最近下巴受伤缝针一事，他说：「下巴呢一个其实有个故仔嘅，2月3号去左一个朋友嘅聚会，食到好夜去到第日12点几过左立春，朋友其中一个就系吴业坤（坤哥），佢做到好夜嚟到，我听到佢嚟，我话即刻去迎接佢先，咁就去开门俾佢，朋友屋企好大，我开门嗰阵唔小心喺个楼梯跣左一脚，就跌左落个楼梯度。」
他继续指因此而下巴受伤，并表示：「坤哥打开门嘅时候就见到所有人围住左我，佢就呆左喺度唔知发生咩事，最后我有少少受伤，坤哥就车返我去医院度睇医生。」
讲到伤口情况，是否有缝针？他坦言：「其实有，第一日会觉得有少少痛，但系去到第二三日嘅时候已经有少少惯，嚟紧要好好去保护伤口。」
至於缝针数量，他表示：「大概三四针，所以教导我有阵时都要冷静，唔好太兴奋，嗰下真系冇諗过。」被问到有否担心毁容，他直言：「其实有少少惊，不过好好彩个位置喺下巴下面，正面嘅时候未必睇得好清楚。」他继续指现阶段需要戒口，等待伤口复原。
