打破非亲生仔得奖惯例 周奕瑋解说「三冇主持」论│周奕瑋专访
周奕瑋(Jarvis)近年获TVB力捧做金牌司仪，去年台庆颁奖礼「单拖」上阵，表现淡定获得网民一致讚好；入行十八年，今年终於首夺「最佳男主持」，上台得奖感言感动不少观眾，Jarvis自嘲是「三冇主持」，引起网民讨论。
原来在颁奖礼前，Jarvis由经理人合约转至艺员合约，近年大台不再一味照顾「亲生仔」，令颁奖礼的认可性增加；刚踏入40岁的Jarvis，工作自由度大增，未来希望不只「周游」日本，真正向世界出发。
在颁奖礼前，周奕瑋在无綫官网「经理人合约艺员」一项中消失不见，只在「男艺人」一页出现，与无綫变回普通关系，有网民赛前讨论大热的Jarvis仍有变数。
颁奖礼后Jarvis接受访问，他说：「有些东西真系得到奖之后先够胆讲，今年其实都40岁人，如果话对自己信心唔系好大，我觉得会对唔住呢40年嘅人生。今年，相信系有史以来最接近呢个奖的一年，过多几年，其实观眾已习惯左你嘅存在、习惯左你嘅能力的时候，就冇左嗰一下力，到最后攞到个奖座返屋企，如果要用一个keyword去形容，系圆满。」有指今届的奖座总值达到八十多万港币，Jarvis说：「我冇认真咁了解过值几钱，因為无论个奖座值几钱，都唔会拎去卖，家传之宝㗎喇！」
首夺「最佳男主持」，Jarvis上台得奖感言感动无数观眾，他解说「三冇主持」的由来，「都好明显啦！冇身形、冇外形、冇台型，首先我真系唔高呀嘛！又唔系特别上镜，以前有认识一些公关朋友，因為他们有睇我做节目，有时有些活动将我个名摆入去试下，好多时听返就系话我太细粒，个样成个细路咁，我真系小朋友性格，你愈觉得我唔得，我就愈要做到，我要用一个我嘅方法行呢条路，当我迷失冇信心的时候，亦要提醒自己，无论我把声、外形都系阿爸阿妈生俾我，我唔可以去否定自己。」
五强之中，有和Jarvis同期入行，同样由娱乐主播出身的许文轩，宣布一刻，Jarvis百感交集，「当时有五部摄影机同时间拍紧五强，因為一张圆枱，对住我部cam影紧就系许文轩，我们系同期，由第一日娱乐新闻台开始，大家都在不同范畴去努力，宣布嗰一刻我情绪爆晒出嚟，我的对望，脑入面就好似走马灯咁，浮现好多一齐有喜有悲、有血有汗的画面，原来大家都企左十八年，真心讲，我觉得佢将会愈来愈接近这个奖。」
Jarvis的努力，并不只是旅游节目主持，去年在《万千星辉颁奖典礼2022》独挑大梁担任司仪，表现备受讚赏，「好多谢志伟哥俾一个机会我，好罕有颁奖礼史上只有一位主持，嗰年台庆有20位，个个前辈都返晒嚟，去到颁奖礼，主题是『机会是留给追梦的人』，由开场到尾大家都聚焦在自己身上，对我来说，是一个好大好大的考试。」Jarvis的开场白要逐一讲出台下演员的辛酸与经歷，事前要做足準备，记住很多艺员的资料，印象深刻是说到吴幸美做街访被人多番拒绝，台下的幸美感动爆喊，曾志伟亦眼湿湿。
志伟十分看好Jarvis，尤其是2021年颁奖礼，志伟特别留意Jarvis和幸美两位新主持的表现，「我好记得旧年他第一次叫我入房，然后话颁奖礼我想搵一个司仪去做，我呆一呆，之后佢话『我想你做，你有羊睇法？』第一下同佢讲，我有信心做得到，但系我未有信心做得好，之后佢话，人就系咁样一步一步行上去，好多时做完之后，先至发现原来你已经有信心做得好。」
当晚颁发「最佳剧集」时，Jarvis硬Cut林敏驄的发言，留时间给剧集幕后讲得奖感言，赢得不少掌声，Jarvis说：「大家当时个諗法都系一样，而我亦知道over-run得好紧要，紧接就要播新闻报道，我系颁奖礼唯一可以控制到呢个场面的人，唔通叫个FM衝出嚟羊？其实我觉得驄哥好知道自己想讲乜，都咁有经验啦，嗰刻我只知道，cut就一定要cut，但点样令到大家都舒服，我亦知道《下流上车族》导演关文深好用心拍左呢套剧，付出了好多，想俾多些机会他和团队讲多谢，当然，好开心今年《新闻女王》佢再上台。今年在澳门的颁奖礼，事隔一年在后台与驄哥见面，我真系行埋去同佢讲唔好意思，佢都仲记得我，佢讲笑话『𡃁仔，你嗰阵打断我讲野喎！』」
访问中，Jarvis亦承认已由经理人合约转至艺员合约，他说：「其实对我来讲分别真系唔大，对观眾亦冇乜分别，过去好多年就算由《周游东京》第一辑，捱过第二辑第三辑，咁继续落去系点呢？会唔会可以有更加多呢？我唔可以次次都继续所谓食老本，我要发掘更加多可能性。疫情令我諗清楚好多，原来咁容易就封左个关，连香港去澳门都去唔到，我想睇个世界，唔净只日本，呢个系我当时俾自己一个promise，我开YouTube Channel会去探索可能我都未去过嘅地方，想话俾人知，我系一个旅游人，亦因為这个原因，令到我系想需要一个比较大少少的自由度，想运用自己的时间去发展更长远的事业。」
