吴业坤未有造人大计 周吉佩主动分享生B心得：留意女方排卵期
吴业坤（坤哥）和周吉佩（吉吉）今日（12/2）年初三现身沙田马场出席《农历新年赛马日》。过多两日，便是情人节，坤哥透露準备為爱妻送上情人节礼物：「今次我就準备左一样又有情趣又实用嘅唇膏，主要系喺每日起身嘅时候用嘅，润一润个唇仔之后，锡返佢一啖，其实咁样都几温馨㗎。」
至於吉吉就话会送实用的礼物给太太：「其实我同太太都好似老夫老妻咁，就冇坤哥咁冇情趣啦，变左我都主要系送啲实用嘅礼物畀佢。同埋我都好希望情人节可以同佢出去食餐饭，过吓二人世界，浪漫一下。」
被问到今年会否準备造人？坤哥笑言还未有心理準备，希望专注在事业之上。旁边的吉吉就向坤哥分享生B心得：「其实想一击即中，就要留意女方嘅排卵期，然后争取呢啲时间，咁就会容易啲怀孕。」
坤哥接著说：「我会记住，第时有用嘅时候，我就会用，多谢你吉吉！」
