黄智雯升呢“詹太”派双封利是感兴奋 罕谈老公揭开对方神秘面纱
黄智雯去年与任职珠宝集团高层男友Anthony（詹文天）结束11年爱情长跑，在没预警下宣布婚讯，获得全城祝福。为保护另一半，黄智雯在处理感情事上极之低调，故当她正式宣布喜讯时，Anthony的样子才首度曝光，今年是二人婚后首次过农曆新年，荣升人妻的智雯心情兴奋，期待将这份喜悦分享给大家。
谈到老公，黄智雯即露出一副幸福甜笑样，她表示老公由拍拖到现在成为了夫妻，对方都很支持她的每一个决定，不会限制她的发展，反而还鼓励她为自己喜欢做的事前再行前多一步。老公如此支持，所以黄智雯当然也会尊重对方，现时接工作都会先与对方商量：“其实由认识至今，佢都好知道我嘅工作模式，可能一拍剧就需要几个月嘅时间，可能返大陆拍又需要几个月时间，但佢都会好愿意同我去调整schedule。”
但升呢人妻后身分有变，老公会否都有“约法三章”，例如亲热或裸露戏份就不要拍了？黄智雯直言：“从来都冇，佢好少参与我工作上嘅嘢。（依然係妳锺意就可以？）係呀，咁都係演员嘅工作嚟，佢都好明白。”
为了保护另一半，黄智雯在拍拖时期的保密工作做得非常好，鲜有被人影到，她解释因为老公是圈外人，所以她有一个很大的责任，就是想令到大家的生活保持正常：“而且我哋好早已经有一个共识，同别人分享都係分享自己嘅工作和生活，感情生活同一啲sweet、sweet嘅嘢就留返畀我哋自己，所以我都会尽量保护佢。”
黄智雯又自爆拍拖趣事，她笑指与老公拍拖时最大的娱乐就是去旅行，但为保护对方，一到多人的地方大家就会有默契地站开少少，到少人时又会站回一起：“但我哋真係好喜欢去旅行，因为有返我哋自己嘅Me Time。”
拍到老公有何吸引她之处？黄智雯想都不用想就可以说出来：“佢好幽默啦，可能我笑点比较低，同埋工作压力大嘛，咁如果个人能娱乐到自己，即係讲一句嘢我都已经可以觉得好好笑，咁係会好轻鬆，同埋佢係好顾家嘅。仲有我哋拍拖咁多年，基本係冇乜嗌过交，因为我本身係一个和平主义者，第一我嗌交唔叻，而且所有嘢我都希望消化咗、沉淀咗先，你觉得有需要讲先攞出嚟讲，我好少第一下就爆人，永远第一下火星撞地球，一定会嗌交啦。”
问到是何时决定结婚？黄智雯坦言其实两人几年前已经有这个决定，只是因为疫情，所以一直延期至2023年通关了才进行这个仪式：“其实几年前佢已经喺英国求婚，係好开心的，当时都係得我同佢，所以一路走来都係以我哋自己觉得最舒服、最舒适嘅方式，拣英国係因为我哋都好锺意呢个地方。佢求婚时都surprise，但又唔係好戏剧性，都有送花嘅。但我係锺意平淡，平淡反而会仲long lasting。”
能够遇到人生中的真命天子，黄智雯特别多谢二人的“红娘”：“如果当初唔係因为胡杏儿，我係认识唔到佢嘅。嗰时刚识杏儿，唔知点解佢好关心我嘅感情生活，成日问我：‘妳拍拖未呀？’之后有一日佢就介绍咗个男仔畀我，大家就认识咗，所以而家结咗婚，最多谢当然係杏儿，多谢佢当初咁进取，哈哈。佢成日都话要封返封大利是畀佢。”
至于多了人妻身分，黄智雯一脸幸福地说又不觉得有太大的转变，但的确身边是多了一个人无论在生活还是工作上一起去分担：“虽然大家一齐咁耐，但而家会觉得你真係结咗婚，有好多决定都要一齐去倾，有个共识。同埋我而家多咗啲时间，完成工作后，其他时间就要帮手凑狗仔，和学习煮饭。（给予老公几多分？）当然係100分啦！”
另外，今年也是黄智雯首年派双封利是，她笑言做艺人以往都有派利是的习惯，答谢身边一班工作人员过去一年的帮助，而今年的利是更多了一份爱，可以将这份喜悦跟大家分享：“因为以往派利是成日都畀人问：‘点呀？几时先𢭃到妳双封利是呀？’今年终于有机会了。”
