星岛：龙年第一宣布陀B艺人！39岁杨潮凯贴超声波相报喜：我哋又做爸爸妈妈
恭喜！曾执导拍电影《喜欢妳是妳》的TVB艺人杨潮凯，踏入龙年只不过数天，便宣布喜讯！今日（19日）在社交平台出PO：“我哋又做爸爸妈妈喇！”
杨潮凯今日（19日）在社交平台出PO，贴了一张超声波的相片并说：“唔知係唔係每一个女孩子都有想做家姐嘅愿望，我好记得每一年，CatharineBB生日都会同我哋讲，佢好想要个细佬或者妹妹，唔知係咪吸引力法则呢？今年终于俾佢恨到喇！我正式宣布：‘我哋又做爸爸妈妈喇！CatharineBB做家姐喇！”辛苦你喇老婆，我会永远爱你，I LOVE YOU! 杨生杨太杨小姐 CatharineBB 家姐仔 我相信CatharineBB会係个好家姐”
杨潮凯今日回覆《星岛头条》，问到女儿是否获悉即将做姊姊？他笑说：“家姐知道喇，我同佢讲：‘你要做家姐喇！’佢第一个反应係呆咗，未係好消化到个消息，问我哋：‘咁即係咩？’我哋话：‘妈咪肚入面有Baby呀！’佢先好似开始明白，露出了开心的笑容，跟住就话：‘我有好多嘢要做喇！要买尿片啦，买奶粉啦！’”
杨潮凯对初恋老婆讚不绝口
杨潮凯与初恋情人太太江玉仪两人是中学同学，在2013年结婚，2018年女儿杨心悦（Catherine）出世，一家三口过着幸福生活，杨潮凯曾大讚太太是个很完美的女生：“太太係一个好有主见嘅人，当然佢都有温柔嘅一面，成日想你去陪佢，但佢同时都可以好独立。所以当我要去出Trip，其实完全唔使担心佢，她可能劲过我，佢照顾自己嘅能力好强，我好需要个咁嘅一个伴侣。”
多年来两人一直互相支持对方做喜欢的事，杨潮凯鼓励太太做老师培育下一代，太太亦不介意他加入娱乐圈收入不稳，默默在背后他打算。
