星岛：谢东闵想低调同朱智贤结婚 首次担正最怕搞到甩头髮
谢东闵在贺岁档剧集《本尊就位》，首次担正做主角，终于做好人角色的他，最初反而担心甩头髮。讲到他年前跟吴业坤等朋友合资7位数开音乐中心，但因香港经济未恢复而未敢开分校。情人节难得放闪的他，亦有计划跟朱智贤结婚，但怕高调的他，未谂好点搞。
採访：杜杜 摄影：谭志光 髮型:Jay@hola
近年经常演反派角色的东闵，在《本尊》终做好人，还首次演神仙“吕洞宾”，不过最初他都有担心，“我好衰，第1时间谂演‘吕洞宾’咪好大镬，要成日黐头套，因之前拍古装，试过甩咗一忽头髮，今次仲要係夏天拍几个月，惊又冇咗忽头髮，好彩后尾我睇咗剧本唔係好多古装戏，不过都开心可以做神仙。”
对于这剧后能否维持主角位置？他则看得好开，“当然想做主角，试咗呢套睇吓观众反应，公司自然会畀机会，做好咗自己先。”
后悔细个唔肯学琴
艺人工作太被动，加上一直有个音乐梦，所以东闵年前跟吴业坤等几个好友，合资开音乐中心，“希望帮到啲对唱歌有兴趣嘅人，亦令到小朋友可以从小接触音乐，学多啲音乐技巧。”
原来他小时候因不听妈咪话学钢琴，一直令他好后悔，“10几岁锺意音乐先至学返，嗰时都仲係懒，时间放晒唱歌度，冇专心学好乐器，依家喺学校处理公事之馀，有时间就练吓琴。”本来他希望今年再开分校，但计划赶不上变化，“本来谂住疫情后经济会好，点知仲差咗，所以都係睇定啲先。”
情人节东闵难得贴出跟女友朱智贤合照，明年踏入4字头的他坦认两人有商量过结婚，“唔会距离好长时间，但係想低调啲。”他认为结婚相一定要影，但其他仪式可能需要再考虑，最搞笑他提起时个样有点怯，“我好怕多人，好似有啲社恐咁，可能旅行结婚啱我啲，最好得两个人咁结婚，但通常女仔唔锺意，所以再谂吓先啦！”
