星岛：陈浩民罕谈旧爱是什么：佢不嬲係女王
16年前嫌TVB人工奀不欢而散首解画
54岁，曾演过不少经典角色的陈浩民，相隔16年重返娘家拍新剧《状王之王》，客串演“陈梦吉”。咁啱得咁桥，离开TVB 7年的佘诗曼亦回归拍《新闻女王》兼三夺视后成为史上第一人。
提到阿佘，坦言少睇电视的人夫陈浩民答得大方：“佢不嬲都係女王，未失败过。”除了罕谈旧爱，陈浩民甚至唔介意跟对方合作拍剧。採访：方骞平 摄影：钱文坤 场地：QUE@ELEMENTS圆方
陈浩民自2008年拍完古装剧《搜神传》后，便满约离巢转往内地发展，期间TVB从未打他主意，有传当年陈浩民唱TVB人工太奀，搞到不欢而散。重提此事，陈浩民首解画并冇否认：“咁当年外边我有咁多工作做。”访问中，他多次多谢TVB：“冇TVB冇我，今日仍可以喺内地企得住脚，因为《天龙八部》在内地好受欢迎，做人要饮水思源，所以今次拍剧都冇讲钱，当係聚旧。”
林子聪带挈拍剧
对于离巢多年，TVB冇再向他招手，陈浩民就如此解说：“虽然我TVB出身，但经已唔係公司人，作为一间大公司当然有佢哋考量。”不过，他强调大门为TVB常开：“我好锺意演戏，只要有戏做，演乜都得。”今次陈浩民能够参与《状王之王》，全因总导演肥仔聪(林子聪)带挈，并非直接由TVB“委任”：“我同肥仔聪拍《济公》，喺片场内我唔係一位八面玲珑嘅演员，只会将心力放晒落场戏，点知搵到知音，两人不谋而合撞出火花，加上我哋拍住上好好彩，面对大制作嘅对手都能逆流而上，抢埋收视冠军，更开埋制作公司。多年来两兄弟会互相关照，有乜好嘢预埋对方。”
他又爆两人的窝心经历：“2014年林导几经辛苦搵资金开拍《笑林足球》，有金主肯投资，但附带条件用返佢嘅新人做男一，肥仔聪宁保住我而一口拒绝，真係感动，好彩年多后成事。”
在林子聪安排下，陈浩民演终极大Boss“陈梦吉”演得相当过瘾：“虽然只係得45分钟公堂戏，但落力地拍足4日，要用三寸不烂之舌嚟拗赢对方，仲要反派得嚟既搞笑又讨好，真係好考演员魅力，喺语速、语调、感情上都要落功夫，我有加入一啲演《济公》嘅元素。最开心林子聪话我嘅演出，搞到公堂入面个个都睇我演戏，今次演出好好玩，唔够喉。”
讚阿佘实至名归
2002年陈浩民与佘诗曼合作电影《情缘汽水机》擦出火花，对于旧爱佘诗曼重返TVB拍《新闻女王》威到尽，陈浩民坦言婚后冇睇电视习惯，多年来对娱乐新闻非常冷感，返港定居后屋企连电视机都冇，又唔会click入去睇手机，只知《新闻女王》係hit，但唔知有几hit：“都戥佢高兴，佢不嬲都係女王嚟，套套中未试过失败，预咗係佢攞，所以唔会感意外，係实至名归。”
问到日后有冇机会合作？他答得小心奕奕：“呢啲日后先算，唔係我同佢可以做到主，(咁会唔会介意合作？)我冇嘢，拍戏都係一份工作。”他强调家庭生活美满，收工后返归照顾4子女，帮老婆蒋丽莎做直播，又为13岁春春期囡囡做心理辅导。讲到欣赏男艺人，他锺意柏档王浩信，亦喜欢同期出道的陈山聪。再问女艺人呢？他避忌说：“唔熟，要重新留意返，所以答唔出。”
