星岛：丁子朗“超星团”妆吓窒客户 否认比赛有内定传闻
谢雪心、丁子朗、江嘉敏、何广沛及吴业坤等今日（26日）到尖沙咀出席于下月2日举行的《博爱欢乐传万家》记者会。丁子朗表示初入行时已跟郑裕玲及陈凯琳做《博爱》司仪，所以特意前来支持，又透露稍后将出发到马来西亚工作。
问到是否参加了《亚洲超星团》之后是否多了工作？他指确实多人认识了自己，但笑言客户千叮万嘱叫他不要以《亚洲超星团》的装扮现身：“好好笑，佢哋叫我唔好用《超星团》个妆同头，可能觉得唔啱品牌形象，有三个品牌都係咁，可能将啲衫摆落个头度，觉得有啲唔夹，叫我试第二个妆。今晚去做Annual dinner，又係咁讲，我话其实冇咁夸张，嗰个只係舞台效果。”
丁子朗指也有问网民意见，虽然很多人叫他喜欢怎样就怎样或是做自己，但他认为“韩仔Look”的确很难驾驭，问到他是否喜欢自己的“少男Look”，他指内地节目喜欢加滤镜营造效果，但好笑的是最初节目连他的眼泪也磨走：“佢当暗疮咁磨走咗，我话不如取消个滤镜，所以最后我同其他人嘅滤镜係唔一样。（你锺唔锺意嗰个形象？）我自己比较难handle，我唔识化呢个妆，但估唔到呢个妆有咁大回响。”
提到他未能晋身总决赛是否感失望，他表示自己今次“赚凸”，因为公司肯俾机会尝试，最不开心的只是不能够继续训练，对于有传赛果早已内定，他说：“我自己感受个节目好专业，呢个（内定）唔係控制范围，唔好用内定去扼杀选手嘅努力，咁样係唔公平，好欣赏佢哋嘅才艺，佢哋係好好嘅表演者。”
