星岛：炎明熹被绯闻吓亲IG唔敢随便揿Like 想拍拖但又怕嘥男友时间所以唔拍住
炎明熹（Gigi）今日（28日）到新城宣传新歌《透光者》，她指新歌讲述自己对着喜欢的人就像透明生物体一样，无论如何大叫，对方也看不到自己。Gigi指在小学时也有喜欢过同学，但应该是出于对同学的锺意，到中学时又要比赛又要读书，所以未有想太多。
她又笑言由于没有人向她表白过，所以不知是否有人暗恋自己，问她现在有否暗恋人？她说：“暂时冇，但我好容易会对大家有好感，无论男同女，对我有少少好，我就已经谂点解要对我咁好，（边个对你好？）所有同事朋友屋企人都对我好好，所以我一直都好幸运，因为大家都好锡我，所以都希望督促自己再做好啲。”
Gigi坦言也很想有对象出现，但她认为感情需要时间去了解对方，没有可能相识很短时间就跟对方堕入爱河：“我都算理智，我希望用时间去留意佢更加多，可能佢私底下好冇公德心，又或者会虐待小动物，佢表面一定唔会做呢啲俾你睇，所以要偷偷地观察，係咪真係一个自己值得去托付终身嘅人。”
虽然她又谓现在也想拍拖，但也怕要顾及工作和读书，与对方的相处时间不多：“一段感情嘅培养都需要见面嘅基础，先至可以打好呢个根基，佢要陪我去做呢啲嘢嘅时候，可能佢都少咗时间，我都唔想影响佢，所以暂时都未係一个最好嘅阶段（拍拖）。”
对于最近与ViuTV《全民造星V》出身的邓家杰（Kakit）传绯闻，Gigi再次澄清，表示两人只在倒数骚见过，当时只有点头并没有交谈，其后知道对方在IG追踪自己后，自己也有追踪对方，由于觉得对方的照片很有参考价值，所以也会看，也会点讚，但并没有交谈。
提到她被发现点讚后即时取消，她否认，并解释可能是网络出现问题，以前也有发生过同类事件，更指经过这件事之后，以后也不敢胡乱点讚：“除非係朋友一定唔会有嘢可以讲。（惊咗？）係，我会留意我嘅行为。( 佢係咪你理想类型？）唔知，我都係要相处咗先知。”
提到今日发表《财政预算案》薪俸税退税减3000元，Gigi就表示不清楚自己是否有受惠，因为这些都是家人处理：“今晚返去问吓睇吓佢哋有冇受惠，可能佢哋受咗惠攞咗我啲钱。”
