出租家人｜陈家乐做准爸爸顺其自然 呼吁大家叫连诗雅食多啲嘢 | 香港01
英皇电影《出租家人》，由刘伟恒执导，曾志伟监制及领衔主演，恬妞、陈家乐、周家怡领衔主演，（6/3）举行首映礼。刚在元宵节报喜做准爸爸的陈家乐，首度跟传媒见面，并表示没有刻意迎合生龙B，一切顺其自然。
陈家乐接受传媒访问时，表示跟太太连诗雅一直没有刻意计划生育，一切顺其自然。“由拍拖到结婚都冇太多二人世界的机会，所以都跟太太讲，唔好刻意去追求，唔想畀压力佢同自己，所以我们冇去预防，亦冇刻意去做咩准备，一切顺其自然，如果係个天畀我哋咪开心囉！而家真係多谢上天给予我们机会。”
至于有冇因为是龙B特别开心，陈家乐就冇特别为此而兴奋︰“总之有BB就开心，仔女都冇所谓，个天畀我就开心。（记︰係咪都想追多个？）如果真係咁快再有一个……唉，我唔知呀，冇谂咁远，随缘啦。”
自公布有喜后，连诗雅都有继续开工，只是做老公的就有多加叮嘱︰“经理人都好照顾佢，会拣一啲冇咁辛苦嘅工作。我自己最担心係登台，因为登台要著高踭鞋，又惊会跣倒。不过我讲唔掂数，早几日见佢上电视台节目唱歌，都有著高踭鞋，但有矮少少。”
比起高踭鞋，呢位准爸爸更想太太做的是食多啲嘢︰“佢本身都唔食得多嘢，食量细，我而家都成隻乌蝇咁，成日烦住佢要佢食多啲，不停讲你唔食肚嗰个都食，佢都听话咗，但我觉得未够，所以大家有机会见到佢时都帮手叫佢食多啲嘢。”
