婚后事｜罗子溢演技大爆发 获视后老婆杨茜尧加持：今次有机 | 香港01
罗子溢和陈自瑶（7/3）现身电视城出席无綫综艺节目《奖门人 Happy Easter 感谢祭》录影。提到二人有份演出的无綫剧集《婚后事》播出至今，热度爆灯，掀起不少网上热话。
陈自瑶接受《香港01》访问时表示：“我今日睇咗新闻指佢微表情，係劲到可以攞埋视帝，真係力推佢。（你而家仲晚晚睇留言唔使瞓？）哈哈，开头係夸张啲，又唔係瞓唔到，只係瞓少啲，始终都想知观众对呢套剧嘅感受。今个礼拜五谜底就会揭盅。”
罗子溢接著说：“其实我哋公司都好多劲人，年尾应该仲有好多劲人会出，到时一齐玩吓。（自己表现如何？）我觉得今次自己发挥得唔错，因为拍咗咁多年电视剧，今次係我第一次有咁多人肯定同讚赏嘅声音，同埋套剧喺唔同嘅地方收视率嘅排名都几高。（出街有冇人闹你？）哈哈，好彩我好锡个囡，挽回返少少嘅分数。
（老婆对你有咩评价？）佢未睇，佢只係睇咗啲文戏，但动作戏就未睇。因为佢开紧工，咁所以未追得切。不过相信佢都有睇报道嘅，因为都铺天盖地。你见我咁开心咁企喺度，你就知我冇事啦，哈哈。不过头嗰集佢係有睇过，佢都係嗰句做得几好今次有机提名。”
