谭俊彦被问父亲狄龙与姜大卫40年恩怨：唔关我嘅事唔讲咁多 | 香港01
谭俊彦今日（12日）出席好友陈炜医美品牌开幕典礼暨代言人签约仪式，分享对方当老闆娘的喜悦，他接受访问表示：“你睇吓陈医生嘅老婆有几靓，就知道佢几靠得住，亲自嚟祝贺佢哋，希望佢哋生意兴隆。”他续指知道陈炜与老公一向恩爱，并且送上祝福。
提到姜大卫（John哥）较早前接受访问回应与狄龙40年恩怨，John哥更指“狄龙个仔叻㗎，叻过我个仔㗎”，他表示：“我知，佢客气啫！如果真係有睇咗嗰个报道，佢都讲咗冇得比较，同埋佢话我现在叻啲啫，我入行长过佢呀嘛，都冇话叻唔叻，只不过唔想比较。”
讲到多次传出姜大卫与狄龙不和，他坦言：“唔係真嘅嘢，我就唔去批评啦！因为我觉得好多时候都会，我同你做访问我讲咗二十句，就将一句咁样讲咗出嚟！我唔希望网上啲人讲咗唔係真嘅事件出嚟放大，咁我又觉得人哋几廿年嘅嘢，你又记唔记得人哋小学争个擦胶，你冇得咁讲，同埋唔关我嘅事嘅嘢都唔讲咁多。”
至于有否见过John哥，他说：“我同佢合作咗好多部戏，《失忆24小时》开始同《企业强人》，嚟紧嘅《麻雀乐园》都有同佢合作，我觉得我係一个个体，爸爸都係一个个体，就唔会将任何呢啲嘢带到去拍摄现场。”
