星岛：40岁洪永城分享唔识老护肤心得 笃爆老婆自残坏习惯
40岁洪永城 (Tony)推出的自家美容护肤品牌成立一周年，开pop up store 举行“Amberversary”活动贺寿，太太 梁诺妍 (Inez)当然有现身支持老公，两公婆好人缘，大量艺人朋友到场支持，包括林盛斌 (Bob)、胡定欣、连诗雅、蔡洁、陈展鹏、单文柔、徐荣、麦明诗、梁靖琪、张达伦、黎纪君等。
提到护肤，Tony有不少心得跟大家分享，他说：“作为男士我都十分重视护肤，Toner是必备，块面乾同上妆前必用，带妆嘅时候都会用Rose Toner喷喷急救，至少要保持皮肤水润。夜晚嘅Routine就更重要，首先一定要深层卸妆，唔清乾淨之后搽咩都无用！护肤就基本‘3宝’TONER、SERUM、CREAM。不过我会根据当日皮肤需要，配合不同Super Drop精华。例如皮肤暗哑就会用Vitamin C，最后再搽Cream，如果时间许可就会用埋导入机打斑机，提升效果。人到中年，唔保养仲等几时，再大啲就太迟啦！”
Tony更大胆爆料太太Inez的坏习惯，他说：“佢成日偷懒唔落妆就瞓觉，所以我经常都会帮佢落妆。”Inez听后即反击：“佢真係好贪靓，贪靓到搞埋一个自家美容护肤品牌，每次研发产品都会揾我做白老鼠试用，我哋都有因为对产品有唔同见解而意见分歧。”
