导演会颁奖礼︱梁朝伟透露未能出席金像奖 飞德国为新片开工 | 香港01
香港电影导演会周年晚宴暨年度颁奖典礼（15日）举行，晚宴前导演会颁发“最佳影片”、“最佳男主角”、“最佳女主角”等六项大奖，嘉许年度表现出众演员及电影创作人。今晚洪金宝、姜大衞、古天乐、梁朝伟、刘嘉玲、刘伟强与杜琪峯等殿堂级演员与导演出席盛会，其中《金手指》男主角梁朝伟更成为本届“最佳男主角”！
梁朝伟得奖后，到场外接受传媒访问，他表示自己成为演员以来，要感谢太多人：“我谂好多人都需要多谢，但係都唔记得多谢係正常嘅！因为我觉得作为一个演员、能够成为今日嘅我，太多人要多谢梗有人会唔记得！唔驶写纸仔、写纸仔都唔记得咁多！”至于对金像奖的再度得奖的信心，伟仔笑言：“事但啦！（保持平常心？）係呀，类似啦！（如果再攞再会第六次）求其啦！”
谈到今晚得奖的庆祝活动，梁朝伟突然自爆金句：“我成日都觉得做人应该日日都庆祝㗎！因为生命每一日都应该珍惜嘛！”而接下来亦将会出发到欧洲拍戏：“我廿二号去德国。（出席到金像奖？）出席唔到！”表示太太刘嘉玲未有时间陪同自己到当地熟习环境：“我要去熟习环境啫，唔係佢！又唔係佢拍！”
赴欧洲拍摄电影，在角色的准备上，伟仔自信地表示：“我要准备嘅嘢，我谂六个月前已经准备咗，譬如去啲唔同大学认识脑神经科学家，或者我需要准备嘅research，我已准备好。”而短暂到当地拍摄，他直言不担心水土不服：“我食嘢好简单。”而演出的信心上，伟仔更开玩笑表示：“我唔知咩叫入定戏。可能我已经变成一个脑神经科学家，因为之前睇咗好多书。”
余香凝凭《白日之下》夺得导演会“最佳女主角”奖，梁朝伟表示：“我有睇《白日之下》我觉得几好睇呀！我特别欣赏姜大衞！其他演员都好好。”至于会否接拍同类型的电影则看缘份。
