明报：一个好人｜林子善蒙眼体验黑暗中跑步 感觉恐惧无助
TVB全新综艺节目《一个好人》今晚（20日）播出第3集，主持之一的林子善分别拜访了视障人士领跑员林威强（林Sir）和民间搜救组织创办人郑伟轩（Anson）。
曾是香港110米栏纪录保持者的林Sir，正职是一名中学体育老师。深信运动改变生命的他机缘巧合下开始教视障人士跑步，他笑言初期处处碰钉︰“我教视障人士之前，已经做咗好多年教练。我接手时教完两堂，就有两个学员入咗医院。佢哋啲脚肿得好紧要，我忽略咗一样嘢，佢哋虽然可能係30、40岁，但佢哋长期用拐杖慢慢行，关节退化得好紧要。有啲视障人士，佢嘅世界係得睡牀、饭枱、厕所，可以2、3年冇出过门口。带番佢哋出嚟之后，见到佢成个人生唔同晒，呢啲係鼓舞嚟。”子善蒙着眼感受黑暗中跑步，虽然有林Sir带领，仍感到十分无助，不敢迈出大步，原地跑一样。他事后坦言：“头先蒙眼跑嘅感觉好惊，好似前面有嘢撞咁！”
视障跑手傅提芬Inti 26岁时因患上青光眼而失明，遇到林Sir后开启二次生命。林Sir靠一条手带带着Inti由10K跑到半马、全马，最终成为香港首位完成世界六大马的视障运动员！ 子善试当领跑员带领Inti跑步：“我好少同女仔咁亲密，除咗拍戏，大家头先一路讲啲开心嘢，好感恩可以同咁劲嘅运动员跑步。”
子善随后跟民间搜救组织创办人Anson见面。香港每年有逾3000人失踪，Anson带领搜救队开展搜救工作，为不少家庭点燃希望。子善跟随Anson追寻失踪老翁消息，还见识游绳救人模拟训练。谈到搜救工作常遇挫败，Anson坦言曾心灰意冷：“第一係钱啦，因为大家係义务；其次係人，呢个最难，要一条心同埋付出大量时间。女友初初反对我咁做，要攞钱出嚟，时间又唔够，返工已经忙，有时几日唔知你去咗边。佢初初会介意，惊我身体顶唔住。我最高纪录係18日做搜索，不断咁返工、搜索。”
