明报：76岁石修耳膜受损听力只馀6成︰救番一半但要戴助听器
石修在电影《出租家人》跟多年来被指“撞样”的方力申饰演父子，他笑言两人已合作过几次，每次都获安排扮演父子。“我同佢嘅相似程度，比我同自己个仔更似。”石修在戏中的角色外表严肃、性格却心软，被方力申及其女友欺骗后选择包容、迁就及忍耐，拒将不快情绪发泄出来。
他表示现实中的自己在处理家庭关係上也合格，虽然是一家之主，但很尊重儿子陈宇琛（Sam）的家，尤其爱惜新抱林佑蔚（Camille）。石修重视与家人的关係，从前去哪里拍戏都会把家人带在身边。
“我好关心屋企，将屋企摆第1位，决定做任何事前要先睇对屋企影响有几大。如果我远行工作，屋企人行唔开，我就尽量唔去；如果角色好暴力或暴露，我会先考虑对个仔嘅思想同心态有冇影响，所以大家见唔到我演呢类角色；如果角色对个仔有感染力，佢睇完会觉得我係佢心目中嘅英雄，我就会全力去做。”
石修曾因此错失很多工作机会，他承认自己有太多顾虑，知道做艺人应该要多尝试，也不知道自己这个工作态度对不对。“呢个係个性问题﹗”石修回忆年轻时为令太太放心，每逢拍摄感情戏时都会警惕自己，拍摄时如何投入也好，收工后就要回家。
76岁的他自言已年纪大，身体开始出现状况，两年前在一次登台演出时听不清楚声音，求医后发现听觉只馀六成。“我成日戴住耳机听歌，令耳膜一直受攻击，再加上吹色士风、打鼓亦对听觉造成影响。有朋友10几年前曾提醒我，但我冇听佢劝，依家至后悔，自己攞嚟。好彩，依家嘅听力都救番一半，但要戴助听器。”
石修已没再打鼓，吹色士风时戴耳塞，只要小心不令听力恶化，工作未受太大影响。“演出时唔可以戴助听器，事前对好晒稿就得，登台时戴番耳机就冇问题。年纪有咁上下，身体一定有变化，避免唔到。虽然听觉有问题，我睇剧本暂时唔使戴老花镜，牙齿都健康，仲追到个孙。我每日都健步养生、戒甜戒零食，食得好清，好小心。”
