星岛：洪永城老婆晒DIY性感大肚写真 四肢纤幼上围升Cup 亲揭长胎不长妈妈肉秘诀
洪永城与太太梁诺妍（Inez）于2021年结婚，同年诞下女儿“Sir Face”洪靖岚（Amber），至去年底宣布怀有第二胎，预产期为4月。卸货在即的梁诺妍，昨晚（19日）于社交网分享一辑大肚写真，并撰长文亲揭“长胎不长妈妈肉”秘诀！
有别第一胎请来专业团队到影楼拍摄，梁诺妍直言今次时间仓促无暇出去影孕照，但又难得有些想法，于是昨日匆匆买了日落灯及Bra Top，花了一小时在家中Low cost留倩影。相中所见，虽然梁诺妍腹部已经箩咁大，但四肢依然纤幼，上围更加明显升Cup，轻鬆谷出深长事业线，获一众圈中好友纷纷大讚辣妈，佘诗曼说：“型妈。”连诗雅则谓：“好索呀！迫不及待想见Sir Face 2.0。”
梁诺妍陀二胎狂病胃口差
对于获讚陀B仍毫无肥肿迹象，梁诺妍亲自解说：“其实，陀BB都唔係大家想像咁轻鬆㗎，今胎的确比第一胎轻，现38週都係重咗差唔多22磅到，比生Sirface时重量係30磅都差好几磅，但係2.0长胎比家姐好～出世都会比家姐重。不过今胎比第一胎都辛苦几多，成个孕期中咗3次流感、新年后再中埋covid（冇咩药可以食，只可以自然疗法），呢2日仲要肠胃炎係咁疴到脱水发烧，而今胎胎盘高啲，就成日顶住个胃，搞到食多少少就想呕，但係撇除呢啲，当然我饮食习惯同第一胎係有分别嘅。”
她续指，今次怀孕期间进行“168”间歇性断食，加上摄取高蛋白质少碳水及适量运动，才能维持“长胎不长妈妈肉”，梁诺妍说：“虽然成日都好想饮珍珠奶茶，但係我嘅珍奶都会嗌无糖／微糖，纯粹过吓口瘾。讲咗咁耐，都係想讚美一下所有妈妈，妈妈真係好伟大，十月怀胎嘅辛苦感受到晒，不过所有嘢都係值得的，宝宝健康就係父母最想见到嘅，除咗要锡自己妈妈多啲，所有老公一定一定要再锡老婆多啲呀！！！！妈妈加油，我哋继续互相扶持。”
洪永城冧讚梁诺妍：最漂亮孕妈
身形如此Fit，难怪洪永城日前都忍不住公开冧爆道：“都就嚟生，但係点样你都唔似有小朋友？你是否骗我？最漂亮的怀孕妈妈，最喜欢夜晚饮珍珠奶茶的妈妈。#做运动真係唔同啲”此外，梁诺妍昨日又于IG Story贴出Sir Face 2.0超声波图，可见“Sir Face”基因强大，连她也再一次惊叹“2.0无误”。
