晴报：中年好声音2丨肥妈亲解与古淖文“母子”关係
为求公平刻意断联：有咩著数啫？
《中年好声音2》赛果尘埃落定，不过外间对冠军古淖文、亚军谭辉智及季军颜米羔的名次讨论不断。由于古淖文与评判肥妈（Maria Cordero）过往私交甚笃，加上同属中葡混血儿，部分网民曾质疑肥妈有偏帮之嫌，更盛传古淖文是肥妈私生子！
肥妈拍片回应“母子”传闻，以及偏心之说。
肥妈拍片回应网民质疑，对于传与古淖文是母子，肥妈反应极大：“母咩子啊？我同佢老豆冇关係㗎！你搵我笨咩？大家都係中葡混血儿，咁咪似囉。你睇下甄妮啦、Isabella（梁洛施）啦、李嘉欣啦，我唔係搵啲大美女同我比啊，大家都係中葡啊大佬…沟出来咪大家都差唔多样。”
肥妈与古淖文早在15年前《亚洲星光大道》已认识，肥妈透露古淖文参加《中2》后有告诉她，她亦刻意避嫌，以免招来话柄：“我话得啦，你报咗名我就唔会睬你。呢八个月，我连佢facebook呀、like呀、电话呀（都冇），一路冇同佢讲嘅，因为我要保持公平。”
问到比赛期间刻意不与古淖文联络？肥妈肯定地说：“係！唔同佢讲电话。（外间话古淖文係契仔，在比赛有著数？）你冇睇到啲分咩？有咩著数啫？冇著数㗎，靠自己㗎。够有人话伍仲衡同刘威煌係buddy、兄弟啦，佢（刘威煌）去唔去到后尾（决赛）吖？”
肥妈指古淖文得到冠军，全靠他在最后一首歌的表现：“（古淖文）行去三甲係靠最后一首歌，同吉吉（周吉佩）当年一样。全世界都畀20分，佢哋（评判）同佢（古淖文）又好咩？”但她承认以往古淖文经常随她到世界各地登台，国际性舞台经验丰富，也是他的优胜之处。
肥妈又表示，决赛当晚她听完古淖文唱第一首歌，认为他的表现“入到四强已经好好”；幸好古淖文在第二首歌表现出色：“唱完第二首歌后，我四个心水就係古淖文、黄剑文、谭辉智同颜米羔。而安雅希减咗肥跌咗落嚟，去唔返（之前水平），唱歌时气量出唔到，突然间减肥减50几磅係会影响唱歌，但如果每日练气、做运动去减咁又唔同。”
