明报：逆天奇案2｜林景程与姜大卫结父子缘 获对方传授喊功
TVB 剧集《逆天奇案2》昨晚（4日）一集展开新单元“龙头棍风暴”，讲述社团洪胜话事人贺坚（姜大卫饰）打算退隐江湖，贺坚儿子贺永权（林景程饰）和韩耀星（翟威廉饰）欲争话事人之位，两雄相争引起警方高度关注。社团准备举行祭祠仪式，贺坚命令永权负责运送龙头棍，岂料龙头棍竟不翼而飞。弄失龙头棍的永权顿失方寸，四处寻找龙头棍下落，就连贴身手下亦怀疑兼打至重伤。
此时，情妇Jenny（王嘉慧饰）突然来电表示龙头棍在其手上，可惜只是一场谎言，Jenny欺骗永权是想迫他与大婆（吴沚默饰）离婚。
林景程能与姜大卫合作很开心︰“John哥（姜大卫）呢种咁传奇嘅演员，可以近距离感受佢点样演一场戏好难得。对演戏嘅人嚟讲，佢係活宝藏﹗我埋位前请教过佢用咩方法投入角色感情、点样控制泪水，佢毫不吝啬咁分享，仲即场示范点样控制泪水畀我睇。睇佢做好似好容易，实际真係几十年功力。John哥分享期间，咁啱导演叫我埋位，嗰次係我入行以嚟最唔想埋位嘅一次！”
谈到之前在《下流上车族》与金像影后鲍起静结母子缘，这次再与亚洲影帝姜大卫结父子缘，林景程表示︰“两位都係我以前谂都唔敢谂可以合作到嘅前辈，依家仲可以演到佢哋个仔，呢啲机会真係可遇不可求﹗我觉得我比好多演员好彩 ，希望未来仲会有呢啲机会啦！”
饰演Jenny的王嘉慧是“东张女神”之一，她在剧中化身性感尤物上演“小三争上位实录”。王嘉慧表示角色很有挑战性：“始终同平时嘅自己好唔同，担心演唔出嗰种效果，所以事前做好多功课，参考其他剧集、电影类似嘅角色。”
谈到与吴沚默的拉扯对骂戏，她说：“一开始有啲唔好意思，惊喺拉扯途中整亲佢，但佢鼓励我放胆去做，好带到我入戏，所以拍嗰时冇呢方面顾虑。”
