星岛：潘静文择偶首要另一半要有反应 自认“恋爱脑”入行后沉迷拍拖
潘静文（Sherman）推出第2首单歌《伤鱼座》，本身是双鱼座的她以星座性格特质构思歌曲，MV首次演绎爆喊戏，1 take过完成令她演戏信心大增。自认“恋爱脑”的她，自爆入行后差点因圈外男友影响工作，目前单身唔心急拍拖，但又开心公开择偶条件。
採访：杜杜 摄影：Stanley 髮型:Hugo Poon@PRIVATE i salon 化妆:King Yip@KingsMakeup场地:The AIR (The ONE)
Sherman本打算跟同样双鱼座的张驰豪（Aska）齐创作此歌，“嗰排我好易整亲，连拉筋都可以整瘀，Aska又係好易受伤，断过十字靭带，就谂住一齐写首关于双鱼座，易受伤嘅歌。”但各有各忙被迫搁置，她再出单曲就决定用这概念，大讚填词人张楚翘的歌词够到肉，“有句歌词‘何时何日清醒便能告别’，好似讲紧我以前好易‘沉船’，一沉就变Titanic，大个啲先好啲。”
演崩溃爆喊大满足
自认恋爱脑的Sherman，自爆入行后被圈外男友影响，“以前真係太投入拍拖，试过做嘢个脑都只得佢，呢行要成日见咁多人，唔可以俾人知你挂住拍拖。”26岁的她自觉变得成熟，更清楚对象的要求，“双鱼座同顾家嘅巨蟹座几夹，但我又唔会专登搵个巨蟹座男仔，首先外形顺眼就得，靓仔反而冇乜安全感；至少要高过我，最好有180cm；性格唔好太静，我多嘢讲对方都要有啲反应；同埋要成熟大过我，佢叻先会令我有仰慕感觉。”
讲到拍《伤鱼座》MV，Sherman最难忘要演绎崩溃爆喊戏份，最初好担心应付不到，“导演要求我一嚟就喊到猪头，未试过咁演，除咗听歌投入情绪，嗰期我唔太如意，知舅母患癌，又幻想全世界连屋企人都好唔锺意我，跟住就1 take过做到。”
虽然她明白拍MV跟演戏两回事，但对演戏提升了信心，“都会谂如果呢个係剧，要就对白、镜头，同对手交流，唔知有冇咁嘅效果？！但当导演嗌good take时，好有满足感，有机会都想试。”
