冯素波爆曾被要求台庆跳Hip Hop：有年长同事跳到入院 | 香港01
冯素波（波姐）早前在社交平台宣布与TVB结束前后30多年的合作关係，近年开设IG后，波姐被发掘出贴地、玩得的一面，不论电影甚至“隔篱台”ViuTV的剧集《绳角》都见到其踪影。
她离巢后曾指TVB的现有制度不太适合年长艺人，而接受《01娱乐》专访时，她剖白自己不续约的数个原因，其中一个确实与《绳角》有关。当时她向艺员部申请出外接拍这套外判剧，过程中有点不愉快，波姐说：“或者咁样触怒咗佢少少，触怒咗一个话事人，唔係触怒公司，所以佢就要用到邵氏嘅权力挞落我嗰度。”不过她就强调，自己并非与 TVB 分手，只是与艺员部话事人分手。
接拍ViuTV外判剧《绳角》 疑触怒话事人致工作减少
其实波姐数年前已转成“每年一Show”合约，方便还骚后可以出去唱歌、表演、拍其他节目、去旅行，无可否认自由身的话可省却向公司申请许可的程序。问到申请批核是否很难、限制多不多，她说：“不嬲佢都冇话限制你唔做得呢度唔做得嗰度，不过你需要呢份工嘅时候，你要绝对尊重佢。佢话你需要做第二度嘅，你咪返嚟公司申请，但係公司多数都唔批，因为佢都要保障佢哋嘅收视嘛。”
一般申请拍电影的成功获批机率都高，但要拍第二个电视台的节目，又可不可以呢？波姐说合约上冇写明不能接，但接洽过程中，艺员部或会提出要求、条件，例如要问清楚几时播出，最好不要两个台同步出街，波姐也理解公司考量。
不过，22年11月，波姐却破天荒同时段出现在无綫剧《超能使者》与ViuTV剧《绳角》，引起不少话题，问为何无綫当时会“放人”，波姐谓：“唔係佢放嘅，因为《绳角》嗰时我已经转咗一个Show，公司我已经还咗啦，而且拍咗10几个Show添。”牌面上，观众都觉得《绳角》是ViuTV剧，但它实质上是外判剧，而找波姐埋班的亦是一位曾合作过的TVB前导演，对方指该剧的年轻编审一写剧本就已将角色设定以波姐为蓝本，并四围搭路、穿针引线想搵到她出演。波姐第一时间向公司申请，艺员部话事人说，不能阻止她拍摄，但倾好合约后要回去通知，于是波姐就展开与《绳角》剧组的接洽。
殊不知过程中有枝节，波姐说：“当然都有唔开心嘅事情发生，佢（TVB艺员部）问我点解唔早啲同佢讲，我话我曾经返嚟问我嘅合约係咪可以，你话係OK嘅，咁我咪去倾囉。倾嘅时候点样早同你讲呢，我未攞到剧本，未攞到订，未签到个合约，我不能返嚟话我会去嗰度做。”她感受到剧组诚意十足，一日内做齐合约，把15集剧本送到波姐手上，她随即通知公司，“你叫我通知咪通知囉，你冇叫我批准嘛，如果你话我哋唔批你，你唔做得嘅，我一定唔会出去见佢哋。但係係一种咁样，好灰色地带下，跟住好多嘢都外判，香港电台好多嘢都外判，咁係咪我全部都唔做呢？但係公司之后就一路少嘢，之后直程唔畀嘢我做。”
波姐又讲到，对于艺员部说“你通知我哋，我哋就将你啲戏唔好出住，等人哋出先，或者我哋出先。”她有点难以致信，更问：“我係咪有咁大嘅影响力？”她续说：“我觉得我一直以来，连配角都未必係多戏嗰个，只不过有呢一块叶喺度又好过冇咁解，会唔会因为我嘅存在，你哋将整个剧唔出街，或者唔出先，我觉得唔係囉。”
对方又问她会否出席隔篱台的宣传活动，或因而成为关係变僵的导火线，“佢话如果喺嗰边出，你会唔会做宣传，我话就算去任何一个台度做，都係演员出去拍戏啫。佢唔邀请我，我当然唔会出，佢邀请我，我有责任出。我话但係我觉得近年公司叫我拍戏，你哋都冇叫我出嚟做宣传吖？你啲外判剧我都冇份，或者咁样触怒咗佢少少，触怒咗一个话事人，唔係触怒公司，所以佢就要用到邵氏嘅权力挞落我嗰度。”
波姐在《绳角》饰演MIRROR队长杨乐文（Lokman）的嫲嫲，与对方及江𤒹生（AK）有不少对手戏，出街后效果不错，波姐认为无綫作为大公司应该开心，因为自己培养的演员、导演出到去都有好表现，又表示：“个编剧係新嘅编审，佢写呢个角色係写畀我，我觉得公司你从来都冇为我而写一个戏，今次虽然唔係好多（戏份），但係个角色係专注于我去写，我相信年轻人唔会用呢啲花言巧语凼我出去做。”
讲到过往在TVB是否很少有为她而设的角色，通常都是剧本需要老角就叫她去做，波姐指，以往曾有编审说，若监制一早已做好选角，编审知道某位角色由指定演员出演，的确会循他的特质设计角色；但近年由于要控制住开支、怕艺人“爆骚”，这个情况已很少见，通常编审写剧本时都未知道由哪位演员出演，她又说：“曾经有个监制同我讲过，TVB唔会为你哋啲中年去写剧本，只有为主角，除非佢两个主角係做中年，即係唔会为我哋呢线演员，去写剧本。”
被邀接综艺跳Hip Hop感不解：想一班老人家俾人笑？
波姐几岁入行，能唱能演，也一直对监制起用自己心存感激，但对于公司曾要求她去拍综艺、跳Hip Hop，她始终不解，“佢叫我参加佢嗰啲综合性节目，我话点解呢？我个人唔係综合性，我係一个演员，你唔畀剧我做，叫我参加嗰啲？佢话我畀个平台你表演你嘅才华，我又觉得几得意，我话唔係因为我有才华你先签我返嚟嘅咩？如果执着于呢一句说话嘅，我係咪应该要离开呢？”
她最终没有接下综艺节目，因为觉得自己不擅长玩游戏，对方也未有清楚解释节目形式，因此她无谓勉强，只以一个玩笑结束那场对话，“佢问我，你嘅才华最叻係做乜嘢呀？我都无言以对。因为我开演唱会，所以我话我最叻卖飞，我话你有演唱会搵我去唱啦，我去帮你卖吓飞。”
而另一次，TVB叫波姐去台庆表演，项目是跳舞，她说年轻时都有跳过踢躂舞，不过公司这次竟叫她和一班年长同事一齐跳Hip Hop，“我梗係唔返啦！我唔需要搏埋条老命呀嘛？我见有一两个同事，话‘攞命呀！跳完入咗医院！’点解？因为骨架嗰啲，最辛苦嗰个就係我死咗个妹夫，余子明嗰年都有跳，佢话‘黐线㗎，我帮佢跳，跳到上气唔接下气！’咁我觉得我个抉择係啱，因为嗰个唔係我范畴。你摆出嚟係想我哋出丑定係想我哋美化呢？你要一班老人家出去跳Hip Hop，係俾人笑，咁我觉得好影响我日后嘅发展。”
高层变动、合约条款改变 体力难负荷成离巢伏线
波姐不讳言，前年无綫艺员管理部原本的话事人退休，新高层接任，合约条款都随之大幅改动，当时她已经想和平分手，对方却游说她续约：“佢话，波姐或者你同我签多年啦，好似我一上场就赶到你哋走晒咁，我话有啲条款真係唔适合我哋年纪大嘅人做㗎喇。”
当波姐指出自己快将完约，觉得合约期内工作量变少，对方又说：“你知就嚟完就好啦，你唔再同我签，你再唔帮我哋嘅话，明年我更加安排唔到嘢畀你做呀。”虽然不能透露合约内容，但波姐就觉得，自己毕竟年纪大了、体力差了，做不到就不要勉强，“佢哋合约裡头嘅条款，应该都係跟随每一个话事人、每一间公司，因为时代变迁、市场嘅需要去改变嘅，就唔係关乎你係咪一个艺员，佢係行政上嘅改变，我哋做得嘅就做，唔做得嘅咪自己退出囉。”
波姐从不否定TVB同事的人情味，除了见证住不少写字楼同事由少女、少妇进化到退休之龄，几十年来每次见面仍有讲有笑外；监制、艺人都一样很疼锡自己。她两年前做完大手术，监制尽量不给夜通告，又常跟她说：“波姐，你辛苦，你走先啦，我哋识处理。”
拍《隐形战队》时，唐诗咏、陈山聪、林子善更是自发调通告时间，宁愿自己辛苦点迟收工，都想波姐等年长艺人快手拍完回家休息。不过波姐的心态是：“成日要人就，就得几多？”有时接了套剧，明知赶住煞科埋尾，要连踩七日，波姐不想带给大家麻烦或耽误进度，“做到我哋咁嘅年纪，会唔会去认衰话自己顶唔顺走先，虽然监制有叫过你咁，不过成日要搵替身，搵借位，搵人遮咗你个位置，都係带畀同事一个麻烦，咁我就死顶都做。”
与艺员部话事人分手 对方没挽留反而走得舒服
早在3、4年前，波姐接受《01娱乐》专访，已透露过想外闯的想法，认为绿叶若永远躲在TVB，是悲哀、会跟社会脱节的，而她近几年确实积极做不同范畴的工作，唱歌登台、拍电影、拍MV、开YouTube等，外间迴响也是始料不及，“我谂唔到原来社会上咁多人都接受我呢个‘贴地嫲嫲’，好多Fans支持我，变咗我多咗啲题外话嘅嘢做，唔係公司嘅嘢我都多咗做。”碰巧合约差不多完，波姐亦萌生去意，她说去年还骚后，公司没安排太多工作，但合约期差不多结束时，艺员部高层都有致电倾续约安排，“佢又唔係好特别挽留，但係又唔抗拒我要留低，即係话，你乜嘢条件都唔改变嘅，公司当然都想我可以照往常咁做，咁如果我话唔做，佢又好似唔敢勉强我好似往时咁帮吓手。”
波姐于是主动释出善意，她问：“我哋朋友嚟㗎嘛？”对方和应，问她若然第时在公司以外有工作需要她帮手，波姐会否答应，她便说：“当然会啦，我哋係朋友吖嘛。”就这样，双方和平地结束合作关係，对波姐而言，她只是与那位艺员部话事人分手，并非跟TVB分手。
问到公司冇挽留会否感失望，波姐却反而走得舒服，“公司冇话唔要我，又冇挽留，我自己亦都觉得咁样走得好舒服，我喺出面接嘢接得好舒服，唔使下下打电话返去问过先。”儘管90年加入TVB以来，波姐也曾短暂离开，转投王维基的香港电视，但前前后后都合作30年，对于拜别无綫，波姐不觉得是结束，淡淡然表示：“佢哋有剧搵我，我唔会拒绝嘅，或者一个公司亦都唔一定需要你。每一代有每一代嘅艺员，总之都係一个开心，我唔觉得係结束囉。”
