开心速递｜“熊心如”苏韵姿亲证离巢：跳出舒适圈 接受新挑战
曾参加2016年港姐的苏韵姿（Andrea），凭TVB处境剧《爱‧回家之开心速递》“红衫鱼”熊心如一角成功入屋，原本在剧中她有望和陈浚霆组成CP，但后来传出她的工作态度问题未有改善而遭雪藏，之后已不再见她出现《开心速递》，近日传出Andrea离巢消息，她的Ig亦不再见有任何无綫经理人联络资料，而无綫官网艺员名单她的名字也被消失。
今午（9日）Andrea在Ig贴出当年参加港姐时的照片，撰长文交代去向并承认离巢，她写道：“𠵱家係时候要跳出自己嘅舒适圈，接受新嘅挑战啦。不经不觉嚟咗香港八年，我已经成长咗好多，学到好多嘢。喺呢一度遇到好多锡我嘅人，实在係好幸运。
首先要多谢珍姐（曾励珍），喺我一个人嚟到香港嘅时候，俾机会我演熊心如，令到我喺香港都可以有一个家。亦都令到多咗人认识我、有不同嘅工作，学到好多中文。多谢您咁多年嘅教导栽培。我会好好紧记你教我嘅一切。
多谢乐小姐（乐易玲），由选美到入行，一路都好照顾住我，教我点样做好一个艺人。仲有Management嘅同事，多谢你哋一直嘅照顾及帮忙，我会加倍努力！
多谢志伟哥（曾志伟）！你嘅指导，加上鼓励，令到我发现自己可以有好多可能性。我会keep 住你俾我嘅正能量。
多谢监制祥哥（林建祥）！喺拍摄爱回家呢几年嘅鼓励、你对拍戏嘅热情、创作力，有直启发我，真係好荣幸能够同你合作！
多谢监制佳导（锺澍佳），俾个好好嘅机会我参与黑色月光，令到我见识多咗，学咗好多嘢，非常期待套剧播出！
仲有好多谢俾机会我嘅综艺监制们，我知道自己嘅经验少，所以感激你哋信任，俾我去尝试不同嘅工作！多谢熊家人，冇家人喺香港嘅我，感恩有你哋就有家嘅感觉。
最后要多谢关心同锡我嘅台前幕后朋友仔！等紧埋位，或者收工嘅时候都会同大家一齐倾偈。我会记住一齐渡过过嘅美好时光！相信喺未来大家一定能够再遇到，亦都想藉呢个机会衷心祝福所有朋友，能够在自己嘅舞台上发光发亮。”
